________________
५५६
अंतगडदसाओ
परिणयमेत्ते जोव्वणग मणुप्पत्ते अरहो अरिट्टणेमिस्स अंतियं मुंडे' भवित्ता गाओ अणगारयं पव्वइस्सइ - कण्हं वासुदेवं दोच्च पि तच्चं पि एवं des, वदित्ता जामेव दिसं पाउन्भूए तामेव दिसं पडिगए।
०
कण्हेण देवईए प्रासासण-पदं
५१. तए णं से कहे वासुदेवे पोसहसाला
पडिणिवत्तइ, पडिणिवत्तित्ता जेणेव देवई' देवी तेणेव उवागच्छइ, उवागच्छित्ता देवईए देवीए पायग्गहणं करेइ, करेत्ता एवं वयासी – होहिइ णं अम्मो ! मम सहोदरे कणीयसे भाउए त्ति कट्टु देव देवि ताहि इट्ठाहि कंताई पियाहि मण्णुणाहि मणामाहि वम्मूहि आसासे, प्रासासेत्ता जामेव दिसं पाउब्भूए तामेव दिसं पडिगए ||
गयसुकुमालस्स जम्म-पदं
५२. तए णं सा देवई देवी अण्णया कयाई तंसि तारिसगंसि वासघरंसि जाव' सीहं सुमिणे पासित्ता पडिबुद्धा जाव' गब्भं परिवहइ ||
५३. तए णं सा देवई देवी नवहं मासाणं जासुमण-रत्तबंधुजीवय-लक्खा रससरसपारिजातक - तरुण दिवायर - समप्पभं सव्वणयणकंत - सुकुमालपाणिपाय" जाव' सुरूवं गयतालुसमाणं दारयं पयाया । जम्मणं जहा मेहकुमारे जाव जम्हा अहं इमे दारए गयतालुसमाणे, तं होउ णं म्हं एयस्स दारगस्स नामधेज्जे गयसुकुमाले ॥
५४. तए णं तस्स दारगस्स अम्मापियरो नाम कथं - गयसुकुमालो ति । सेसं जहा मेहे जाव" अलंभोगसमत्ये जाए यावि होत्था ||
सोमलधूयाए कण्णते उर-पवखेव-पदं
५५. तत्थ णं बारवईए नयरीए सोमिले नाम माहणे परिवसइ - अड्ढे । रिउव्वेय जाव" बंभण्णएसु य सत्थेसु सुपरिणिट्टिए यावि होत्या ||
५६. तस्स सोमिल - माहणस्स सोमसिरी नामं माहणी होत्था -- सूमालपाणिपाया || ५७. तस्स गं सोमिलस्स धूया सोमसिरीए माहणीए ऋत्तया सोमा नाम दारिया
Jain Education International
१. सं० पा० - मुंडे जाव पव्वइस्सइ । २. देवती (क, ख ) 1
३. जावपाढया ( क ) । भ० ११।१३३ ।
४. भ० ११११३३-१४५ ।
५. सूमाल (वृ) ।
६. ओ० सू० १४३ ।
७. ना० ११११७४-८१ ।
८. गयतालुय ( क ) 1
६. गयसुकुमाले, गयसुकुमाले ( क, ख ) ।
१०. ना० १।११८२-६८ ।
११. ० सू० ६७ ।
For Private & Personal Use Only
www.jainelibrary.org
