________________
६२७
पंचवीसइमं सतं (चउत्यो उद्देसो) १६३. परमाणुपोग्गले णं भंते ! किं सड्ढे ? अणड्ढे ?
गोयमा नो सड्ढे, अणड्ढे ।। १६४, दुपदेसिए णं-पुच्छा।
गोयमा ! सड्ढे, नो अणड्ढे । तिपदेसिए जहा परमाणुपोग्गले । चउपदेसिए जहा दुपदेसिए । पंचपदेसिए जहा तिपदेसिर। छप्पदेसिए जहा दुपदेसिए। सत्तपदेसिए जहा तिपदेसिए । अट्ठपदेसिए जहा दुपदेसिए । नवपदेसिए जहा
तिपदेसिए । दसपदेसिए जहा दुपदेसिए । १६५. संखेज्जपदेसिए णं भंते ! खंधे –पुच्छा।
गोयमा ! सिय सड्ढे, सिय अगड्ढे । एवं असंखेज्जपदेसिए वि । एवं अणंतपदे
सिए वि ।। १६६. परमाणुपोग्गला णं भंते ! कि सड्ढा ? अणड्ढा ?
गोयमा ! सड्ढा वा, अणड्ढा बा । एवं जाव अणंतपदेसिया ।। १६७. परमाणुपोग्गले णं भंते ! किं सेए ? निरोए ?
गोयमा ! सिय सेए, सिय निरेए । एवं जाव अणंतपदेसिए । १६८. परमाणुपोग्गला णं भंते ! कि मेया ? निरेया ?
गोयमा ! सेया वि, निरेया वि । एवं जाव अणंतपदेसिया ।। १६६. परमाणुपोग्गले णं भंते ! सेए कालमो केवच्चिर होइ ?
गोयमा ! जहह्मणेणं एक्कं समयं, उक्कोसेणं आवलियाए असंखेज्जइभागं ।। २००. परमाणुपोग्गले णं भंते ! निरेए कालो केवच्चिर होइ?
गोयमा ! जहण्णेणं एक्कं समय, उक्कोसेणं असंखेज्ज कालं ! एवं जाव
अणंतपदेसिए॥ २०१. परमाणुपोग्गला णं भंते ! सेया कालग्रो केवच्चिरं होंति ?
गोयमा ! सव्वद्धं ।। २०२. परमाणुपोग्गला णं भंते ! निरेया कालमो केवच्चिरं होंति ?
गोयमा ! सम्बद्ध । एवं जाव अणंतपदेसिया ।। २०३. परमाणुपोग्गलस्स णं भते ! सेयस्स केवतियं कालं अंतरं होइ ?
गोयमा ! सट्टाणतर पडुच्च जहण्णेण एक्क समयं, उक्कोसेणं असंखेज्ज कालं ।
परढाणंतरं पडुच्च जहणणं एक्कं समय, उक्कोसेणं असंखेज्जं कालं ॥ २०४. निरेयस्स केवतियं कालं अंतरं होइ ?
गोयमा ! साणंतरं पडुच्च जहण्णणं एक्कं समयं, उक्कोसेणं प्रावलियाए असंखेज्जइभागं । परट्ठाणतरं पडुच्च जहण्णेणं एक्कं समयं, उक्कोसेणं असंखेज्जं कालं ।।
१. साढा (ख, ता)।
२. केवचिरं (अ, क, ख, म)।
Jain Education International
For Private & Personal Use Only
www.jainelibrary.org
