Page Text
________________
पंचवीसम सतं (च उत्थो उद्देसो)
६२३
१६३. एएसि णं भंते ! परमाणुपोग्गलाणं, संखेज्जपदेसियाणं, असंखेज्जपदेसियाणं,
अणंतपदेसियाण य खंधाणं दबट्टयाए, पदसट्टयाए, दवट्ठ-पदेसट्ठयाए कयरे कयरेहितो' 'अप्पा वा ? बहुया वा? तुल्ला वा ? • विसेसाहिया वा ? गोयमा! सव्वत्थोवा अणंतपदसिया खंघा दवदयाए, परमाणमोग्गला दबदयाए अणंतगुणा, संखेज्जपदेसिया खंधा दव्वट्ठयाए संखेज्जगुणा, असंखेज्जपदेसिया खंधा दव्वट्ठयाए असंखेज्जगुणा । पदेसट्टयाए--- सव्वत्थोवा अणंतपदेसिया खंधा पदेसट्ठयाण, परमाणुपोग्गला अपदेसट्टयाए अणंतगुणा, संखेज्जपदेसिया खंधा पदेसट्टयाए संखेज्जगुणा, असंबेज्जपदेसिया खंधा पदेसट्टयाए असंखेज्जगुणा। दव्वट्ठ-पदेसट्टयाए--सब्बत्थोवा अणंतपदेसिया खंधा दवट्ठयाए, 'ते चेव'' पदेसट्टयाए अणंतगुणा, परमाणुपोग्गला दबट्ठ-पदेसट्टयाए अणंतगुणा, संखेज्जपदेसिया खंधा दवट्टयाए संखेज्जगुणा, ते चेव पदेसट्रयाए संखेज्जगणा, असंखेज्जपदेसिया खंधा दव्वट्ठयाए असंखज्जगुणा, ते चैव पदेसट्टयाए असंखेज्जगुणा ।। एएसि णं भंते ! एगपदेसोगादाणं, संखेज्जपदेसोगाढाणं, असंखेज्जपदेसोगाढाण य पोग्गलाणं दवट्ठयाए, पदेसट्टयाए, दव्वट्ठ-पदेसट्टयाए कयरे कयरेहितो' 'अप्पा वा ? बहुया वा ? तुल्ला वा ? • विसेसाहिया वा ? गोयमा! सव्वत्थोवा छगपदेसोगाढा पोग्गला दवट्याए, संखेज्जपदेसोगाढा पोग्गला दवट्याए संखेज्जगणा, असंखेज्ज पदेसोगाढा पोग्गला दवट्याए असंखेज्जगुणा ! पदेसट्टयाए-सव्वत्थोवा एगपदेसोगाढा पोग्गला अपदेसट्टयाए, संखेज्जपदेसोगाढा पोग्गला पदेसट्टयाए संखेज्जगुणा, असंखेज्जपदेसोगाढा पोग्गला पदेसट्टयाए असंखेज्जगुणा । दवट्ठ-पदेसट्टयाए- सव्वत्थोवा एगपदेसोगाढा पोग्गला दवट्ठ-अपदेसट्टयाए, संखेज्जपदेसोगाढा पोगला दव्वट्टयाए संखेज्जगुणा, ते चेव पदेसट्टयाए संखेज्जगुणा । असंखंज्जपदेसोगाढा पोरगला
दव्वदयाए असंखेज्जगुणा, ते चेव पदेसट्ठयाए असंखेज्जगुणा ॥ १६५. एएसि ग भंते ! एगसमयद्वितीयाणं, संखेज्जसमयट्टितीयाणं, असंखेज्जसमय
द्वितीयाण य पोग्गलाणं० ? जहा योगाहणाए तहा ठितीए वि भाणियव्वं अप्पावहुगं ।। एएसि णं भंते ! एगगुणकालगाणं, संखेज्जगुणकालगाणं, असंखेज्जगुणकालगाणं, अणंतगुणकालगाण य पोग्गलाणं दवट्टयाए, पदेसट्टयाए, दव्वट्ठ-पदेसट्टयाए कयरे कयरेहितो अप्पा वा? बहुया वा ? तुल्ला वा ? विसेसाहिया वा ? एएसिं जहा परमाणुपोग्गलाणं अप्पावहुगं तहा एएसि पि अप्पाबहुगं । एवं सेसाण वि वण्ण-गंध-रसाणं ।।
३. सं० पा०-कयरेहितो जाव विसेसाहिया।
१. सं० पा०—कयरेहितो जाव विससाहिया। २. ते च्चेव (ता)।
Jain Education International
For Private & Personal Use Only
www.jainelibrary.org
| SR No. | 003561 |
| Book Title | Agam 05 Ang 05 Bhagvati Vyakhya Prajnapti Sutra Bhagvai Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |