________________
एगणवीसइमं सतं (पंचमो उद्देसो)
७88
पंचमो उद्देसो चरम-परम-पदं ५८. अत्थि णं भंते ! चरमा' वि ने रइया ? परमा वि नेरइया ?
हंता अत्थि ॥ ५६. से नूणं भंते ! चरमेहितो नेरइएहिंतो परमा नेरइया महाकम्मतरा चेव,
महाकिरियतरा चेव, महस्सवतरा चेव, महावेयणतरा चेव ; परमेहिंतो वा नेरइएहितो चरमा नेरइया अप्पकम्मतरा चेव, अप्पकिरियतरा चेव, अप्परसवतरा चेव, अप्पवेयणतरा चेव ? हंता गोयमा ! चरमेहितो ने रइएहिंतो परमा जाव महावेयणतरा चेव, परमे
हिंतो वा नेरइएहितो चरमा नेरइया जाव अप्पवेयणतरा चेव ।। ६०. से केणद्वेणं भंते ! एवं वुच्चइ जाव' अप्पवेयणतरा चेव ?
गोयमा ! ठिति पडुच्च । से तेणद्वेणं गोयमा! एवं वुच्चइ जाव अप्पवेयणतरा
चेव ॥ ६१. अत्थि णं भंते ! चरमा वि असुरकुमारा? परमा वि असुरकुमारा ? एवं
चेव, नवरं-विवरीयं भाणियव्वं, परमा अप्पकम्मा, चरमा महाकम्मा। सेसं तं चेव जाव थणियकुमारा ताव एमेव । पुढविकाइया जाव मणुस्सा
एते जहा नेरइया । वाणमंतर-जोइसिय-वेमाणिया जहा असुरकुमारा । वेदणा-पदं ६२. कतिविहा णं भंते ! वेदणा पण्णत्ता ?
गोयमा ! दुविहा वेदणा पण्णत्ता, तं जहा--निदा य, अनिदा य ।। ६३. नेरइया णं भंते ! किं निदायं वेदणं वेदेति ? अनिदायं वेदणं वेदेति ?
गोयमा! निदायं पि वेदणं वेदेति,अनिदायं पि वेदणं वेदेति । जहा पण्णवणाए
जाव' वेमाणियत्ति । ६४. सेवं भंते ! सेवं भंते ! त्ति ।।
३. प० ३५
१. चरिमा (अ, ख, ब, म)। २. बहुकम्मा (अ, ब)।
Jain Education International
For Private & Personal Use Only
www.jainelibrary.org
