________________
१६८.
अट्ठारसमं सतं (अट्ठमो उद्देसो)
७८१ नामं अणगारे जाव' उड्ढं जाणू' 'अहोसिरे झाणकोट्टोवगए संजमेणं तवसा
अप्पाणं भावेमाणे विहरइ॥ १६५. तए णं ते अण्णउत्थिया जेणेव भगवं गोयमे तेणेव उवागच्छंति, उवागच्छित्ता
भगवं गोयम एवं बयासी-तुब्भे णं अज्जो ! तिविहं तिविहेणं अस्संजय•विरय-पडिय-पच्चक्खायपावकम्मा, सकिरिया, असंवुडा, एगंतदंडा, एगंत
बाला यावि भवह ? १६६. तए णं भगवं गोयमे ते अण्णउत्थिए एवं वयासो-केणं कारणेणं अज्जो ! अम्हे
तिविहं तिविहेणं अस्संजय जाव एगंतवाला यावि भवामो ? १६७. तए णं ते अण्णउत्थिया भगवं गोयम एवं वयासो-तुब्भे गं अज्जो ! रीयं
रोयमाणा पाणे पेच्चेह, अभिहणह जाव' उद्दवेह', तए णं तुन्भे पाणे पेच्चेमाणा जाव उद्दवेमाणा' तिविहं तिविहेणं जाव एगंतबाला यावि भवह ॥ तए णं भगवं गोयमे ते अण्णउत्थिए एवं वयासी-नो खलु अज्जो ! अम्हे रीयं रीयमाणा पाणे पेच्चेमो जाव उद्दवेमो, अम्हे णं अज्जो ! रीयं रीयमाणा कायं च जोयं च रीयं च पडुच्च दिस्सा-दिस्सा पदिस्सा-पदिस्सा बयामो, तए णं अम्हे दिस्सा-दिस्सा वयमाणा पदिस्सा-पदिस्सा वयमाणा नो पाणे पेच्चेमो जाव नो उद्दवेमो, तए णं अम्हे पाणे अपेच्चेमाणा जाव प्रणोद्दवेमाणा तिविहं तिविहेणं जाव एगंतपंडिया यावि भवामो। तुम्भे णं अज्जो ! अप्पणा चेव
तिविहं तिविहेणं जाव एगंतबाला यावि भवह ।। १६९. तए णं ते अण्णउत्थिया भगवं गोयमं एवं क्यासी-केणं कारणेणं अज्जो !
अम्हे तिविहं तिविहेणं जाव एगंतवाला यावि भवामो ? १७०. तए णं भगवं गोयमे ते अण्णउत्थिए एवं वयासी-तुब्भे णं अज्जो ! रीयं
रीयमाणा पाणे पेच्नेह जाव उद्दवेह, तए णं तुब्भे पाणे पेच्चेमाणा जाव
उद्दवेमाणा तिविहं तिविहेणं जाव एगंतबाला यावि भवह ॥ १७१. तए णं भगवं गोयमे ते अण्णउत्थिए एवं पडिभणइ", पडिभणित्ता जेणेव समणे
भगवं महावीरे, तेणेव उवागच्छइ, उवागच्छित्ता समण भगवं महावीरं वंदइ नमसइ, वंदित्ता नमंसित्ता पच्चासण्णे णातिदूरे जाव" पज्जुवासति ।।
१. भ० ११६। २. सं० पा०-उड्ढंजाण जाव विहरइ । ३. सं० पा० --अस्संजय जाव एगंत° । ४. तुलना-भ० ८।२८५-२६० । ५. भ० बा२८७। ६. उवद्दवेह (ख)।
७. उवद्दवेमाणा (ख)। ८. दिस्स (अ, ता, ब, म)।
६. पदिस्स (अ, ख, ता, ब, म)। १०. पडिहणइ (अ, क, ख, ब, म, स)। ११. भ०१।१०।
Jain Education International
For Private & Personal Use Only
www.jainelibrary.org
