________________
भगवई
महावीरस्स' अंतेवासी मागंदियपुत्ते नामं अणगारे पगइभद्दए -- जहा मंडियपुत्ते
जाव पज्जुवासमाणे एवं वयासी--- ५७. से नणं भंते ! काउलेस्से पुढविकाइए काउलेसहिंतो पूढविकाइएहितो अणंतरं
उध्वट्टित्ता माणुसं विग्गहं लभति, लभित्ता केवलं वोहिं बुज्झति, बुज्झित्ता तो पच्छा सिज्झति जाव' सव्वदुक्खाणं अंतं करेति ?
हंता मागंदियपुत्ता ! काउलेस्से पुढविकाइए जाव सव्वदुक्खाणं अंतं करेति ॥ ५८. से नणं भंते ! काउलेस्सेपाउकाइए काउलेस्सहिंतो पाउकाइएहितो अणंतरं
उध्वट्टित्ता माणुसं विग्गहं लभति, लभित्ता केवलं बोहि बुज्झति जाव सव्वदुक्खाणं अंत करेति ?
हता मागंदियपुत्ता ! जाव सव्वदुक्खाणं अंतं करेति ।। ५६. से नणं भंते ! काउलेस्से बणस्सइकाइए काउलेसे हितो वणस्सइकाइएहितो
अणंतरं उव्वट्टित्ता माणुसं विग्गहं लभति, लभित्ता केवलं बोहिं बुज्झति, बुज्झित्ता तो पच्छा सिझति जाव सव्वदुक्खाणं अंतं करेति ? हंता मागंदियपुत्ता ! ० जाव सव्वदुक्खाणं अंतं करेति ।। 2. सेवं भंते ! सेवं भंते ! त्ति मागंदियपुत्ते अणगारे समणं भगवं महावीरं वंदइ
नमसइ, वंदित्ता' नमंसित्ता जेणव समणा निग्गंथा तेणेव उवागच्छति, उवागच्छित्ता समणे निग्गथे एवं वयासी-एवं खलु अज्जो ! काउलेस्से पुढविकाइए तहेव जाव सव्वदुक्खाणं अंतं करेति । एवं खलु अज्जो ! काउलेस्से आउक्काइए तहेव जाव सव्वदुक्खाणं अंतं करेति । एवं खलु अज्जो! काउलेस्से वणस्सइ
काइए तहेव जाव सव्वदुक्खाणं अंतं करेति ॥ ६१. तए णं ते समणा निग्गंथा मागंदियपुत्तस्स अणगारस्स एवमाइक्खमाणस्स जाव
एवं परूवेमाणस्स एयमद्रं नो सद्दहति नो पत्तियंति नो रोएंति, एयमद्र असहमाणा अपत्तियमाणा अरोएमाणा जेणेव समणे भगवं महावीरे तेणेव उवागच्छंति, उवागच्छित्ता समणं भगवं महावीरं वदति नमसंति, वंदित्ता नमंसित्ता एवं वयासी-एवं खलु भंते ! मागंदियपुत्ते अणगारे अम्हं एवमाइक्खति जाव परूवेति-एवं खलु अज्जो ! काउलेस्से पुढविकाइए जाव सव्वदुक्खाणं अंतं करेति। एवं खलु अज्जो! काउलेस्से आउक्काइए जाव सव्वदुक्खाणं अंतं करेति ! एवं खलु अज्जो ! काउलेस्से वणरसइकाइए वि जाव सव्वदुक्खाणं
अंत करेति ।। ६२. से कहमेयं भंते ! एवं ?
१. महावीरस्स जाव (स)। २. भ० ३११३४; १।२८८, २८६ । ३. भ० ११४४ ।
४. काउलेसे (अ, स)। ५. सं. पा.-एवं चेव जाव । ६. सं० पा०--महावीरं जाव नमंसित्ता।
Jain Education International
For Private & Personal Use Only
www.jainelibrary.org
