________________
अट्ठारसमं सत (पढमो उद्देसो)
७५७ २६. सण्णी जहा आहारो, एवं असण्णी वि । नोसण्णी-नोअसण्णी जीवपदे सिद्धपदे
य अचरिमे, मणुस्सपदे चरिमे एगत्त-पुहत्तेणं ।। २७. सलेस्सो जाव सुक्कलेस्सो जहा आहारो, नवरं–जस्स जा अस्थि । अलेस्सो
जहा नोसण्णी-नोअसण्णी ।। २८. सम्मदिट्ठी जहा अणाहारयो । मिच्छादिट्ठी जहा आहारयो । सम्मामिच्छदिट्ठी
एगिदिय-विलिंदियवज्जं सिय चरिमे, सिय अचरिमे। पुहत्तेणं चरिमा वि,
अचरिमा वि ।। २६. संजो जीवो मणुस्सो य जहा अाहारो ! अस्संजनो वि तहेव । संजयासंजए
वि तहेव, नवरं-जस्स जं अत्थि ! नोसंजय-नोअसंजय-नोसंजयासंजो जहा
नोभवसिद्धीय-नोभवसिद्धीओ।। ३०. सकसायी जाव लोभकसायी सव्वट्ठाणेसु जहा आहारो। अकसायी जीवपदे
सिद्धे य नो चरिमे, अचरिमे । मणुस्सपदे सिय चरिमे, सिय अचरिमे ।। ३१. नाणी जहा सम्मद्दिट्टी सव्वत्थ । प्राभिणिबोहियनाणी जाव मणपज्जवनाणी
जहा ग्राहारमो, नवरं-जस्स जं अस्थि ! केवलनाणो जहा नोसण्णी-नोअसण्णी।
अण्णाणी जाव विभंगनाणी जहा आहारओ॥ ३२. सजोगी जाव कायजोगी जहा आहारओ, जस्स जो जोगो अत्थि । अजोगी जहा
नोसण्णी-नोअसण्णी ॥ ३३. सागारोवउत्तो अणागारोवउत्तो य जहा अणाहारो ।। ३४. सवेदनो जाव नपुंसगवेदो जहा आहारो । अवेदओ जहा अकसायी ।। ३५. ससरीरी जाव कम्मगसरीरी जहा आहारमओ, नवरं- जस्स जं अस्थि । असरीरी
जहा नोभवसिद्धीय-नोअभवसिद्धीप्रो ।। ३६. पंचहि पज्जत्तीहिं पंचहिं अपज्जत्तीहिं जहा आहारो, सव्वत्थ एगत्त-पुहत्तेणं दंडगा भाणियव्वा । इमा लक्खणगाहा
जो जं पाविहिति पुणो, भावं सो तेण अचरिमो होइ ।
अच्चंतविनोगो जस्स, जेण भावेण सो चरिमो ॥१॥ ३७. सेवं भंते ! सेवं भंते ! त्ति जाव' विहर।।
१. भ. ११५१ ।
Jain Education International
For Private & Personal Use Only
www.jainelibrary.org
