________________
७५०
भगवई
उववज्जित्ता पच्छा संपाउणेज्जा ? पुवि संपाउणिता पच्छा उववज्जेज्जा ? गोयमा ! पुवि वा उववज्जित्ता पच्छा संपाउणेज्जा, पुद्वि वा संपाउणित्ता पच्छा उववज्जेज्जा ॥ से केणटेणं जाव पच्छा उववज्जेज्जा ? गोयमा ! पुढविक्काइयाणं तो समुग्घाया पण्णत्ता, तं जहा-वेदणासमुग्घाए, कसायसमुरघाए, मारणंतियसमुग्घाए । मारणंतियसमुग्घाएणं समोहण्णमाणे देसेण वा समोहण्णति, सम्वेण वा समोहरणति, देसेण वा समोहण्णमाणे पुव्वि संपाउणित्ता पच्छा उववज्जेज्जा, सव्वेणं समोहण्णमाणे पुचि उववज्जेत्ता
पच्छा संपाउणेज्जा । से तेणटेणं जाव पच्छा उववज्जेज्जा ॥ ६९. पुढविक्काइए णं भंते ! इमीसे रयणप्पभाए पुढवीए' समोहए, समोहणित्ता जे
भविए ईसाणे कप्पे पुढविक्काइयत्ताए° ? एवं चेव ईसाणे वि । एवं जाव
अच्चुय-गेवेज्जविमाणे, अणुत्तरविमाणे, ईसिंपन्भाराए य एवं चेव ।। ७०. पुढविक्काइए णं भंते ! सक्करप्पभाए पुढवीए समोहए, समोहणित्ता जे भविए
सोहम्मे कप्पे पुढविक्काइयत्ताए ° ? एवं जहा रयणप्पभाए पुढविक्काइओ उववाइगो एवं सक्करप्पभाए वि पुढविक्काइनो उववाएयब्वो जाव ईसिंपब्भाराए । एवं जहा रयणप्पभाए वत्तव्वया भणिया, एवं जाव अहेसत्तमाए समोहए
ईसिंपन्भाराए उववाएयव्यो, सेसं तं चेव ।। ७१. सेवं भंते ! सेवं भंते ! त्ति।
सत्तमो उद्देसो ७२. पुढविक्काइए णं भंते ! सोहम्मे कप्पे समोहए, समोहणित्ता जे भविए इमीसे
रयणप्पभाए पुढवीए पुढविक्काइयत्ताए उववज्जित्तए, से णं भंते ! किं पुब्वि उववज्जित्ता पच्छा संपाउणेज्जा? सेसं तं चेव ? जहा रयणप्पभाए पुढविक्काइए सव्वकप्पेसु जाव ईसिंपब्भाराए ताव उबवाइयो, एवं सोहम्मपुढविक्काइनो वि सत्तसु वि पुढवीसु उववाएयव्वो जाव अहेसत्तमाए । एवं जहा सोहम्मपुढविक्काइयो सव्वपुढवीसु उववाइनो, एवं जाव ईसिंपन्भारापुढविक्काइओ
सव्वपुढवीसु उववाएयव्वो जाव अहेसत्तमाए । ७३. सेवं भंते ! सेवं भंते ! त्ति॥
३. भ० ११५१ ।
१. पुढवीए जाव (अ, क, ख, ता, ब, म, स)। २. भ० १०५१।
Jain Education International
For Private & Personal Use Only
www.jainelibrary.org
