________________
७२०
मगवई
से जहानामए केइ पुरिसे तत्तंसि अयकवल्लंसि उदगदिदं पक्खिवेज्जा, से नूणं गोयमा ! से उदगबिंदू तत्तंसि अयकवल्लंसि पक्खित्ते समाणे खिप्पामेव विद्धंसमागच्छइ ? हंता विद्धंसमागच्छइ। एवामेव गोयमा ! समणाणं निग्गंथाणं अहाबायराइं कम्माइं सिढिलीकयाई, निट्टियाइं कयाई, विप्परिणामियाई खिप्पामेव विद्धत्थाई भवंति। जावतियं तावतियं पि णं ते वेदणं वेदेमाणा महानिज्जरा' महापज्जवसाणा भवंति । से तेगडेणं गोयमा ! एवं वुच्चइ-जावतियं अन्न गिलायए' समणे निग्गथे कम्म
निज्जरेति तं चेव जाव वासकोडाकोडीए वा नो खवयंति ।। ५३. सेवं भंते ! सेवं भंते ! त्ति जाव' विहरइ ।।
पंचमो उद्देसो सक्कस्स उक्खित्तपसिणवागरण-पदं ५४. तेणं कालेणं तेणं समएणं उल्लुयतीरे नामं नगरे होत्था-वण्णो । एगजंबुए
चेइए-वण्णओं ! तेणं कालेणं तेणं समएणं सामी समोसढे जाव परिसा पज्जुवासति । तेणं कालेणं तेणं समएणं सक्के देविदे देवराया वज्जपाणी—एवं जहेव वितिय उद्देसए तहेव दिव्वेणं जाणविमाणेणं पागनो जाव' जेणेव समणे भगवं महावीरे तेणेव उवागच्छइ, उवागच्छित्ता' 'समणं भगवं महावीरं वंदइ नमसइ, वंदित्ता नमंसित्ता एवं वयासीदेवे णं भंते ! महिड्ढिए जाव' महेसक्खे बाहिरए पोग्गले अपरियाइत्ता पभू प्रागमित्तए ? नो इणटे समढे । देवे णं भंते ! महिड्ढिए जाव महेसक्खे बाहिरए पोग्गले परियाइत्ता पभू आगमित्तए ? हंता पभू।
१. अन्नइलायए (अ, क, ख, ता, ब, म, स)। २. भ० ११५१ । ३. ओ० सू० १। ४. ओ० सू० २-१३ । ५. ओ० सू० २२-५२॥
६. भ० १६३३३ । ७. सं० पा०--उवागच्छित्ता जाव नमंसित्ता । ८. भ० १३३६ । ६. अपरियादिइत्ता (क, ख, ब)।
Jain Education International
For Private & Personal Use Only
www.jainelibrary.org
