________________
सोलसमं सतं (पढमो उद्देसो)
७११
अगणिकाय-पदं ५. इंगालकारियाए णं भंते ! अगणिकाए केवतियं कालं संचिट्ठइ ?
गोयमा ! जहण्णेणं अंतोमुहत्तं, उक्कोसेणं तिण्णि राइंदियाइं । अण्णे वि तत्थ वाउयाए वक्कमति, न विणा वाउयाएणं अगणिकाए उज्जलति ।।
कतिकिरिय-पदं
पुरिसे णं भंते ! अयं अयकोटुंसि अयोमएणं संडासएणं उबिहमाणे वा पविहमाणे वा कतिकिरिए ? गोयमा ! जावं च णं से पुरिसे अयं अयकोटुंसि अयोमएणं संडासएणं उविहति वा पविहति वा, तावं च णं से पुरिसे काइयाए जाव' पाणाइवायकिरियाएपंहिं किरियाहिं पुढे, जेसि पि ण जीवाणं सरीरेहितो भए निव्वत्तिए, अयकोट्टे निव्वत्तिए, संडासए निव्वत्तिए, इंगाला निव्वत्तिया, इंगालकड्ढणी निव्वत्तिया, भत्था निव्वत्तिया, ते वि णं जीवा काइयाए जाव पाणाइवायकिरियाए-पंचहि किरियाहि पुट्ठा। परिसे णं भंते ! अयं अयकोटामो प्रयोमएणं संडासएणं गहाय अहिकरणिसि उक्खिव्वमाणे वा निक्खिव्वमाणे वा कतिकिरिए? गोयमा ! जावं च णं से पुरिसे अयं अयकोद्वानो प्रयोमएणं संडासएणं गहाय अहिकरणिसि उक्खिवइ वा निक्खिवइ वा तावं च णं से परिसे काइयाए जाव पाणाइवायकिरियाए-पंचहि किरियाहिं पुढे, जेसि पि णं जीवाणं सरीरहितो अयो निव्वत्तिए, संडासए निव्वत्तिए, चम्मेद्वे निव्वत्तिए, मुदिए निव्वत्तिए, अधिकरणी निव्वत्तिया, अधिकरणिखोडी निव्वत्तिया, उदगदोणी निव्वत्तिया, अधिकरणसाला निव्वत्तिया, ते वि णं जोवा काइयाए जाव पाणाइवायकिरियाए--पंचहि किरियाहिं पुट्ठा ।।
अधिकरणी-अधिकरण-पदं ८. जीवे णं भंते ! कि अधिकरणी ? अधिकरणं?
गोयमा ! जीवे अधिकरणी वि, अधिकरणं पि ।। ६. से केणद्वेणं भंते ! एवं वुच्चइ-जीवे अधिकरणी वि, अधिकरणं पि?
१. भ० ११३६५ ।
२. सं० पा०-अयकोट्राओ जाव निक्खिवइ ।
Jain Education International
For Private & Personal Use Only
www.jainelibrary.org
