Page Text
________________
पन्नरसमं सतं
कालमासे कालं • किच्चा दोच्चं पि रायगिहे नगरे अंतो खरियत्ताए उववज्जिहिति । तत्थ वि णं सत्थवज्झे दाहवक्कंतीए कालमासे काल: किच्चा इहेव जंबुद्दीवे दीवे भारहे वासे विझगिरिपायमूले बेभेले सण्णिवेसे माहणकुलंसि दारियत्ताए पच्चायाहिति ! तए गं तं दारियं अम्मापियरो उम्मुक्कबालभावं जोव्वणगमणुप्पत्तं पडिरूवएणं' सुक्केणं, पडिरूवएणं विणएणं, पडिरूवयस्स भत्तारस्स भारियत्ताए दलइस्सति । सा णं तस्स भारिया भविस्सति-इट्ठा कंता जाव' अणुमया, भंडकरडगसमाणा तेल्लकेला इव सुसंगोविया, चेलपेडा इव सुसंपरिग्गहिया, रयणकरडअो विव सुसारक्खिया, सुसंगोविया, मा णं सीयं, मा णं उण्हं जाव' परिसहोवसग्गा फुसंतु । तए णं सा दारिया अण्णदा कदायि गुब्विणी ससुरकुलाओ कुलघरं निज्जमाणी अंतरा दवग्गिजालाभिया कालमासे कालं किच्चा दाहिणिल्लेसु अग्गि कुमारेसु देवेसु देवत्ताए उववज्जिहिति। से णं तमोहितो अणंतरं उध्वट्टित्ता माणुस्सं विग्गहं लभिहिति, लभित्ता केवलं बोहिं बुज्झिहिति, बुज्झित्ता मुडे भवित्ता अगाराप्रो अणगारियं पव्वइहिति । तत्थ वि य णं विराहियसामण्णे कालमासे कालं किच्चा दाहिणिल्लेसु असुरकुमारेसु देवेसु देवत्ताए उववज्जिहिति । से णं तओहितो अणंतरं" उव्वट्टित्ता माणुसं विग्गहं "लभिहिति, लभित्ता केवलं बोहि बुज्झिहिति, वुज्झित्ता मुंडे भवित्ता अगाराप्रो अणगारियं पव्वइहिति । तत्थ वि य णं विराहियसामण्णे कालमासे कालं किच्चा दाहिणिल्लेसु नागकुमारेसु देवेसु देवत्ताए उववज्जिहिति । से णं तमोहितो अणंतरं एवं एएणं अभिलावेणं दाहिणिल्लेसु सुवण्णकुमारेसु, एवं विज्जुकुमारेसु, एवं अग्गिकुमारवज्ज जाव दाहिणिल्लेसु थणियकुमारेसु । से णं 'तोहितो अणंतरं' उवट्टित्ता माणुस्सं विग्गहं लभिहिति" 'लभित्ता केवलं बोहिं बुज्झिहिति, बुज्झित्ता मुंडे भवित्ता अगाराओ अणगारियं पव्वइहिति । तत्थ वि य णं विराहियसामण्णे जोइसिएसु देवेसु उववज्जिहिति। से णं तमोहितो अणंतरं चयं चइत्ता माणुस्सं विग्गहं लभिहिति", 'लभित्ता
१. सं० पा० -सस्थवज्झे जाव किच्चा। २. पडिरूविएणं (अ, क, ख, ता, ब, म) सर्वत्र। ३. भ० २।५२ । ४. भ० २१५२। ५. जाव (अ, क, ख, ता, ब, म, स)। ६. सं० पा०-तं चेव जाव तत्थ । ७. अग्गिकुमार (ता)।
८. पू०प०२। ६. तओ जाव (अ, क, ख, ता, ब, म, स)। १०. सं० पा०-लभिहिति जाव विराहियसा
मण्णे। ११. सं० पा०—लभिहिति जाव अविराहिय
सामण्णे।
Jain Education International
For Private & Personal Use Only
www.jainelibrary.org
| SR No. | 003561 |
| Book Title | Agam 05 Ang 05 Bhagvati Vyakhya Prajnapti Sutra Bhagvai Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |