Page Text
________________
पन्नरसमं सतं
वुग्गाहेमाणे वुप्पाएमाणे विहरिना सएणं तेएणं अण्णाइटे समाणे अंतो सत्तरत्तस्स पित्तज्जरपरिगयसरीरे दाहवक्कंतीए छ उमत्थे चेव कालं करेस्सं । समणे भगवं महावीरे जिणे जिणप्पलावी', अरहा अरहप्पलावी, केवली केवलिप्पलावी, सव्वण्णू सवण्णुप्पलावी, जिणे जिणसई पगासेमाणे विहरइ –एवं संपेहेति, संपेहेता आजीविए थेरे सहावेइ, सहावेत्ता उच्चावय-सबह-सावियए पकरेति, पकरेत्ता एवं वयासी नो खलु अहं जिणे जिणप्पलावी जाव पगासेमाणे विहरिए । अहण्णं गोसाले चेव मंखलिपुत्ते समणघायए 'समणमारए समणपडिणीए पायरिय-उवज्झायाणं अयसकारण अवण्णकाए अकित्तिकारए वहहिं असदभावभावणाहि मिच्छत्ताभिनिवेसेहि य अप्पाणं वा परंवा तदुभयं वा बुग्गाहेमाणे वुप्पाएमाणे विहरित्ता सएणं तेएणं अण्णाइट्ठ समाणे अंतो सत्तरतस्स पित्तज्जरपरिगयसरीरे दाहवक्कंतीए छउमत्थे चेव कालं करेस्सं । समणे भगवं महावीरे जिणे जिणप्पलावी जाव जिणसई पगासेमाणे विहरइ, तं तुभं णं देवाणुप्पिया ! ममं कालगयं जाणित्ता वामे पाए सुबेणं बंधेह', बंधेत्ता तिक्खुत्तो मुहे उट्ठभेह, उट्ठभेत्ता सावत्थीए नगरीए सिंघाडग-तिग-चउक्कचच्चर-चउम्मुह-महापह-पहेसु प्राकट्ट-विकट्टि करेमाणा महया-महगा सद्देणं उग्घोसेमाणा-उग्रोसेमाणा एवं वदह–नो खलु देवाणुप्पिया ! गोसाले मंखलिपुत्ते जिणे जिणप्पलावी जाव विहरिए। एस गं गोसाले चेव मंखलिपुत्ते समणघायए जाव छउमत्थे चेव कालगए। समणे भगव महावीरे जिणे जिणप्पलावी जाव विहरइ । मह्या अणिड्ढी-असक्कारसमुदएणं मम सरीरगस्स
नीहरणं करेज्जाह - एवं वदित्ता कालगए ।। गोसालस्प्त नीहरण-पदं १४२. तए णं आजीविया थेरा गोसालं मंलियुत्तं कालगयं जाणित्ता हालाहलाए
कंभकारीए कुंभकारावणस्स दुवाराइं पिहेंति, पिहेत्ता हालाहलाए कुंभकारीए कुंभकारावणस्स बहुमज्झदेसभाए सावत्थि नगरि आलिहंति, प्रालिहित्ता गोसालस्स मंखलिपुत्तस्स सरीरगं वामे पदे सुंवेणं बंधंति, बंधित्ता तिक्खुत्तो महे उभंति, उट्ठभित्ता सावत्थीए नगरीए सिंघाडग- तिग-चउक्क-चच्चर-चउम्मुह-महापह-पढ़ेसु प्राकट्ट-विकट्टि करेमाणा णीयं-णीयं सद्देणं उग्घोसेमाणा
१. सं० पा०-जिणप्पलावी जाव जिरणसई। २. उच्चाविय (प्र, म)।। ३. सं० पा०-समणघायए जाव छउमत्थे । ४. बंधहा (अ, ब); बंधह (ख, म, स); बंधेहा
५. उट्ठभह (अ, ख, ब, स); उहुभंस्स (ता);
उच्छृभह (वृपा) ६. सं० पा०—सिंघाडग जाव पहेसु । ७. सं० पा० --सिंघाडग जाव पहेसु ।
Jain Education International
For Private & Personal Use Only
www.jainelibrary.org
| SR No. | 003561 |
| Book Title | Agam 05 Ang 05 Bhagvati Vyakhya Prajnapti Sutra Bhagvai Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |