________________
पन्तरसमं सतं
६८५
गोसालस्स संघभेद-पदं ११६. तए णं ते आजीविया थेरा गोसालं मंखलिपुत्तं समणेहि निग्गंथेहिं धम्मियाए
पडिचोयणाए पडिचोएज्जमाणं, धम्मियाए पडिसारणाए पडिसारिज्जमाणं, धम्मिएणं पडोयारेण य पडोयारेज्जमाणं, अद्वेहि य हेहि य' 'पसिणेहि य वागरणेहि य कारणेहि य निप्पट्टपसिणवागरणं' कीरमाणं, आसुरुत्तं' 'रुटुं कुवियं चंडिककियं ° मिसिमिसेमाणं समणाणं निग्गंथाणं सरी रगस्स किचि आवाहं वा बाबाहं वा छविच्छेदं वा अकरेमाणं पासंति, पासित्ता गोसालस्स मंखलिपुत्तस्स अंतियानो पायाए अवक्कमंति, अवक्कमित्ता जेणेव समणे भगवं महावीरे तेणेव उवागच्छंति, उवागच्छित्ता समणं भगवं महावीरं तिक्खुत्तो प्रायाहिण-पया हिणं करेंति, करेत्ता वदंति नमसंति, वंदित्ता नमंसित्ता समणं भगवं महावीरं उवसंपज्जित्ताणं विहरति । अत्थेगतिया आजीविया थेरा
गोसालं चेव मंखलिपुत्तं उवसंपज्जित्ताणं विहरंति ।। गोसालस्स पडिगमण-पदं १२०. तए णं से गोसाले मंखलिपुत्ते जस्सट्ठाए हब्वमागए तमढे असाहेमाणे, रुंदाई
पलोएमाणे, दीहुण्हाई नीससमाणे, दाढियाए लोमाइं लंचमाणे, अव कंड्यमाणे, पुलिं पप्फोडेमाणे, हत्थे विणिद्धणमाणे, दोहि वि पाएहिं भूमि कोट्टेमाणे हा हा अहो ! होहमस्सि त्ति कटु समणस्स भगवो महावीरस्स अंतियायो कोट्टयानो चेइयानो पडिनिक्खमति, पडिनिक्खमित्ता जेणेव सावत्थी नगरी, जेणेव हालाहलाए कुंभकारीए कुंभकारावणे तेणेव उवागच्छइ, उवागच्छित्ता हालाहलाए कुंभकारीए कुंभकारावणंसि अंवकूणगहत्थगए, मज्जपाणगं पियमाणे, अभिवखणं गायमाणे, अभिक्खणं नच्चमाणे, अभिक्खणं हालाहलाए कभकारीए अंजलिकम्मं करेमाणे, सोयलएणं मट्टियापाणएणं पायंचिण-उदएणं
गायाइं परिसिंचमाणे विहरइ ।। गोसालेरणं नाणासिद्धंत-परूवण-पदं १२१. अज्जोति ! समणे भगवं महावोरे समणे निरगंथे आमंतेत्ता एवं वयासी
जावतिए णं अज्जो ! गोसालेणं मंलिपुत्तेणं ममं वहाए सरीरगंसि तेये निसट्टे से णं अलाहि पज्जत्ते सोलसण्हं जणवयाणं, तं जहा-१. अंगाणं २. वंगाणं ३. मगहाणं ४. मलथाणं ५. मालवगाणं ६. अच्छाणं ७. वच्छाणं ८. कोच्छाणं
-------..-- - - .... -----------
१. सं० पा.-हेऊहि य जाव कीरमाणं । २. सं० पा०--आसुरुतं जाव मिसि । ३. आसाहेमारणे (ख)।
४. अवटठे (अ, स); अवड्यं (ता)। ५. परिसिंचमाणे २ (ता)। ६. मालवंगाणं (ख); मालवंताणं (ता)।
Jain Education International
For Private & Personal Use Only
www.jainelibrary.org
