________________
पन्नरसमं सतं
६८३
•मए चेव मुंडाविए, मए चेव सेहाविए, मए चेव सिक्खाविए °, मए चेव बहुस्सुतीकए, ममं चेव मिच्छं विप्पडिवन्ने ? तं मा एवं गोसाला' ! नारिहसि
गोसाला ! सच्चेव ते सा छाया° नो अण्णा ।। ११२. तए णं से गोसाले मंखलिपुत्ते समणेणं भगवया महावीरेणं एवं वुत्ते समाणे
प्रासुरुत्ते रु? कुविए चंडिक्किए मिसिमिसेमाणे तेयासमुरघाएणं समोहग्णइ, समोहणित्ता सत्तट्ठ पयाई पच्चोसक्कइ; पच्चोसक्कित्ता समणस्स भगवनो महावीरस्स वहाए सरीरगंसि तेयं निसिरति-से जहानामए वाउक्कलिया' इ वा वायमंडलिया इ वा सेलसि' वा कुटुंसि वा थंभंसि वा थूभंसि वा नावारिज्जमाणी वा निवारिज्जमाणी वा सा णं तत्थ नो कमति नो पक्कमति एवामेव गोसालस्स वि मंखलिपुत्तस्स तवे तेए समणस्स भगवप्रो महावीरस्स वहाए सरीरगंसि निसिढे समाणे से णं तत्थ नो कमति नो पक्कमति अंचियंचिं करेति, करेत्ता आयाहिण-पयाहिणं करेति, करेत्ता उड्ढं वेहासं उप्पइए, से णं तनो पडिहए पडिनियत्तमाणे' तमेव गोसालस्स मखलिपुत्तस्स सरीरगं
अणुडहमाणे-अणुडहमाणे अंतो-अंतो अणुप्पवितु ।। ११३. तए णं से मोसाले मंखलिपुत्ते सएणं तेएणं अण्णाइट्ठे समाणे समणं भगवं
महावीरं एवं वयासी-तुम णं आउसो कासवा ! मम तवेणं तेएणं अण्णाइडे समाणे अंतो छण्हं मासाणं पित्तज्जरपरिगयसरीरे दाहवक्कंतीए छउमत्थे चेव
कालं करेस्ससि ॥ ११४. तए णं समणे भगवं महावीरे गोसालं मखलिपुत्त एवं वयासी-नो खलु अहं
गोसाला ! तव तवेणं तेएणं अण्णाइट्ठे समाणे अंतो छण्ह "मासाणं पित्तज्जरपरिगयसरीरे दाहवक्कतीए छउमत्थे चेव • कालं करेस्सामि, अहण्णं अण्णाई सोलस वासाइं जिणे सुहत्थी विहरिस्सामि । तुम णं गोसाला ! अप्पणा चेव सएणं तेएणं अण्णाइटे समाणे अंतो सत्तरत्तस्स पित्तज्जरपरिगयसरीरे दाहववकंतीए'
छउमत्थे चेव काल करेस्ससि ।। सावत्थीए जणपवाद-पदं ११५. तए णं सावत्थीए नगरीए सिंघाडग'- तिग-चउक्क-चच्चर-चउम्मुह-महापह.
पहेसु बहुजणो अण्णमण्णस्स एवमाइक्खइ जाव एवं परूवेइ-एवं खलु
१. सं० पा०-गोसाला जाव नो। २. वाओ (ता); वातु° (म) 1 ३. तृतीयार्थे सप्तमी (वृ)। ४. आवरि० (अ, क, ख, ब, म, स)।
५. पडिणियत्तेमाणे (स) । ६. सं० पा०--छण्हं जाव कालं । ७. जाव (अ, क, ख, ता, ब, म, स)। ८. सं० पा०-सिंघाडग जाव पहेसु ।
Jain Education International
For Private & Personal Use Only
www.jainelibrary.org
