Page Text
________________
६७४
मगवई
जाव परूवेमाणस्स एयमटुं नो सद्दति, 'नो पत्तियंति" नो रोयंति, एयमटुं असद्दहमाणा अपत्तियमाणा' अरोएमाणा तस्स वम्मीयस्स चउत्थं पि वप्पुं भिदंति । ते णं तत्थ उग्गविसं चंडविसं घोरविसं महाविसं 'अतिकायं महाकायं" मसिमूसाकालगं नयणविसरोसपुण्णं अंजणपुंज-निगरप्पगासं रत्तच्छं जमलजुयल-' चंचलचलंतजीहं धरणितलवेणिभूयं उक्कड-फुड-कुडिल-जडुल-कक्खड-विकङफडाडोवकरणदच्छं लोहागर-धम्ममाण-धमधतघोसं अणाग लियचंडतिव्वरोसं
'समुहं तुरियं चवलं धमतं दिट्टीविसं सप्प संघट्टेति ॥ १४. तए णं से दिट्ठीविसे सप्पे तेहिं वणिएहि संघट्टिए समाणे प्रासुरुत्ते रुद्रु कुविए
चंडिक्किए ° मिसिमिसेमाणे सणियं-सणियं उद्वेइ, उद्वेत्ता सरसरसरस्स वम्मीयस्स सिहरतलं द्रुहति', द्रुहिता अादिच्चं निज्झाति, निज्झाइत्ता ते वणिए
अणिमिसाए दिट्ठीए सव्वनो समंता समभिलोएति ॥ ६५. तए णं ते वणिया तेणं दिट्ठी विसेणं सप्पेणं अणिमिसाए दिट्ठीए सव्वो समंता
समभिलोइया समाणा खिप्पामेव सभंडमत्तोवगरणमायाए एगाहच्चं कूडाहच्चं भासरासी कया यावि' होत्था। तत्थ णं जे से वणिए तेसि वणियाणं हियकामए 'सुहकामए पत्थकामए आणुकंपिए निस्सेसिए ° हिय-सुह-निस्सेसकामए से णं आणुकंपियाए देवयाए सभंडमत्तोवगरणमायाए नियगं नगरं साहिए ।। एवामेव आणंदा ! तव वि धम्मायरिएणं धम्मोवएसएणं समणेणं नायपुत्तेणं ओराले परियाए अस्सादिए, अोराला कित्ति-वण्ण-सद्द-सिलोगा सदेवमणुयारे लोए युवंति, गुव्वंति, थुव्वंति - इति खलु समणे भगवं महावीरे, इति खलु समणे भगवं महावीरे। तं जदि मे से अज्ज किचि वि वदति तोणं तवेणं तेएण एगाहच्च कूडाहच्चं भासरासिं करेमि, जहा वा वालेणं ते वणिया । तुमं च णं आणंदा ! सारक्खामि संगोवामि जहा वा से वणिए तेसि वणियाणं हियकामए जाव निस्सेसकामए प्राणुकंपियाए देवयाए सभंड""मत्तोवगरणमायाए नियगं नगरं साहिए ! तं गच्छ" णं तुमं आणंदा ! तव धम्मायरियस्स धम्मोवएसगस्स समणस्स नायपुत्तस्स एयमटुं परिकहेहि ॥
१. जाव (अ, क, ख, ता, व, म, स)। २. जाव (अ, क, ख, ता, ब, म, स)। ३. अतिकायमहाकायं (क, ख, ता, म)। ४. जुवल (अ, ख, ब, स)। ५. समुहि तुरियचवलं (अ, क, ख, ता, ब);
समुदियतुरियचवलं (वृ)। ६. सं० पा०-पासुरुत्ते जाव मिसि । ७. दुहेनि (क, ता, म); दुरुहति (स)। ८. वि (क, ता, ब)।
६. सं० पा० हियकामए जाव हिय । १०. X (अ, क, ख, ता); गुवति (ब, म)। ११. तुवति (क, ख); X (ब, म); 'थ वंति'
त्ति क्वचित्, क्वचित् 'परिभमंती' ति दृश्यते
(क)। १२. भ० १५।१२। १३. सं० पा०-सभंड जाव साहिए। १४. गच्छाहि (ब, म)।
Jain Education International
For Private & Personal Use Only
www.jainelibrary.org
| SR No. | 003561 |
| Book Title | Agam 05 Ang 05 Bhagvati Vyakhya Prajnapti Sutra Bhagvai Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |