Page Text
________________
भगवई
दिए पीइमणे परमसोमणस्सिए हरिसवसविसप्पमाणहियए खिप्पामेव आसणाओ अब्भुद्रुइ अभुर्तुत्ता पायपीढायो पच्चोरुहइ, पच्चोरुहित्ता पाउयाओ ओमुयइ, प्रोमुइत्ता एगसाडियं उत्तरासंग करेइ, करेत्ता अंजलिमउलियहत्थे मम सत्तटुपयाई अणुगच्छइ, अणुगच्छित्ता ममं तिक्खुत्तो आयाहिण-पयाहिणं करेइ, करेत्ता मम वंदइ नमसइ, वंदिता नमंसित्ता ममं विउनेणं सव्वकामगुणिएणं भोयणेणं पडिलाभेस्सामित्ति तु?, पडिलामेमाणे वि तुडे, पडिलाभिते वि तुटे । तए णं तस्स सुणंदस्स गाहाव इस्स तेणं दब्वमुद्धणं दायगसुद्धेणं पडिगाहगसद्धेणं तिविहेणं तिकरणमुद्धणं दाणणं मए पडिलाभिए समाणे देवाउए निवद्धे, संसारे परित्तीकए, गिहंसि य से इमाई पंच दिवाई पाउभुयाई, तं जहा-वसुधारा वट्ठा, दसद्धवष्णे कुसुमे निवातिए, चेलुक्खेवे कए, प्रायानो देवदंदुभीओ,
अंतरा वि य णं अागासे अहो दाणे, अहो दाणे त्ति धुढे ।। ४१. तए णं रायगिहे नगरे सिंघाडग-तिग-चउपक-चच्चर-चउम्मुह-महापह
पहेसु बहुजणो अण्णमणस्स एवमाइक्खइ एवं भासद एवं पण्णवेइ एवं फ्रुवेइ . धन्ने णं देवाणुप्पिया ! सुणंदे गाहावई, कयत्थे णं देवाणप्पिया ! सुणंदे गाहावई, कयपुण्ण णं देवाणु प्पिया ! सुणदे गाहावई, कयलक्खणे णं देवाणुप्पिया ! सुणंदे गाहावई, कया णं लोया देवाणुप्पिया ! सुणंदस्स गाहावइस्स, सुलद्धे णं देवाणु रिपया ! माणुस्साए जम्मजीवियफले सुणंदस्स गाहावइस्स, जस्स णं गिहंसि तहारूवे साधू साधुरूवे पडिलाभिए समाणे इमाइं पंच दिव्वाइं पाउब्भयाई, तं जहा-वसुधारा बट्टा जाव अहो दाणे, अहो दाणे त्ति घटे, तं धन्ने कयत्थे कयपुण्णे कयलक्खणे, कया णं लोया, सुलद्धं माणुस्सए जम्म
जीवियफले सुणंदस्स गाहावइस्स, सुणंदस्स गाहावइस्स ।। ४२. तए णं से गोसाले मंखलिपुत्ते वहुजणस्स अंतिए एयमढे सोच्चा निसम्म
समुप्पन्नसंसाए समुप्पन्नकोउहल्ले जेणेव सुणंदस्स गाहावइस्स गिहे तेणेव उवागच्छइ, उवागच्छित्ता पासह सुणंदस्स गाहाव इस्स गिहंसि वसहारं वटुं, दसद्ध वण्णं कुसुम निडियं, मम च ण सुणंदस्स गाहावइस्स गिहाम्रो पडिनिक्खममाणं पासइ, पासित्ता हट्ठतुट्टे जेणेव ममं अंतिए तेणेव उवागच्छइ, उवागच्छित्ता मम तिक्खुत्तो पायाहिण-पयाहिणं करेइ, करेता ममं वंदइ नमसइ, वंदित्ता नमसित्ता ममं एवं वयासो -तुभे णं भंते ! ममं धम्मायरिया,
अहण्णं तुभं धम्मतेवासी ।। ४३. तए णं अहं गोयमा ! गोसालस्स मंखलिपुत्तस्स एयमटू नो पाढामि, नो
परिजाणामि, तुसिणीए संचिट्ठामि ।। चउत्थ-मासखमण-पद ४४. तए णं अहं गोयमा ! रायगिहाओ नगरानो पडिनिक्खमामि, पडिनिक्खमित्ता
For Private & Personal Use Only
Jain Education International
www.jainelibrary.org
| SR No. | 003561 |
| Book Title | Agam 05 Ang 05 Bhagvati Vyakhya Prajnapti Sutra Bhagvai Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |