Page Text
________________
पन्नरसमं सत
६५७
एवं खलु एयस्स गोसालस्स मंखलीपुत्तस्म मंखली नाम मधे पिता होत्था । तस्स णं मंखलिस मंखस्स भद्दा नाम भारिया होत्या सुकुमालपाणिपाया जाव' पडवा । तए गं सा भद्दा भारिया अण्णदा कदायि गुव्विणी यावि होत्था ॥ १५. तेणं कालेणं तेणं समएणं सरवणे नामं सणिवेमे होत्या - रिद्धत्थिमियसमिद्धे जाव' नंदवण- सन्निभम्यगासे, पासादीए दरिसणिज्जे अभिरू पडिरूवे । तत्थ णं सरवणं सण्णिवेसे गोवहुले नामं माहणे परिवस - प्रड्ढे जाव' बहुजणस्स अपरिभू, रिउब्वेद जाव' भण्णएसु परिव्वायएस य नयेसु सुपरिनिट्ठिए यावि होत्था । तस्स णं गोवहुलस्स माहणस्स गोसाला यात्रि होत्था || १६. तए णं से मंखली मंखे ग्रण्णया कदायि भद्दाए भारियाए गुब्विणीए सद्धि चित्तफलगहत्थगए मंत्रत्तणेणं अप्पा भावेमाणे पुव्वाणुपुवि चरमाणे गामाणुगामं दूइज्जमाणे जेणेव सरवणे सण्णिवेसे जेणेव गोबहुलस्स माहणस्स गोसाला तेणेव उवागच्छइ, उवागच्छित्ता गोवहुलस्स माहणस्स गोसालाए एगदेसंसि भंडनिक्लेव करेइ, करेता सरवर्ण सण्णिवेसे उच्च-नीय-मज्झिमाई कुलाई घरसमुदाणस्स भिक्खायरियाए प्रमाणे वसहीए सव्वग्रो समता मग्गण - गवेसणं करेइ, वसहीए सव्वश्री समंता मग्गण - गवसणं करेमाणे ग्रण्णत्थ वसहि ग्रलभमाणे तस्सेव गोलस माहणस्स गोसालाए एगदेसंसि वासावासं उवागए || १७. तए णं सा भद्दा भारिया नवहं मासाणं बहुपडिपुण्णाणं श्रद्धमाण य इंदियाणं वीतिक्कंताणं सुकुमालपाणिपायं जाव' पडिरूवगं दारणं पयाया || १८. तए णं तस्स दारगस्स श्रम्मापियरो एक्कारसमे दिवसे वीतिक्कते निव्वत्ते प्रसुइजायकम्मकरणे संपत्ते" "वारसमे दिवसे" श्रयमेयारूवं गोण्णं गुणनिप्फन्नं नामधेज्जं करति - जम्हा गं ग्रम्हं इमे दारए गोवहुलस्स माहणस्स गोसालाए जाए तं होउ णं म्हं इमस्स दारगस्स नामधेज्जं गोसाले गोसाले त्ति । तए णं तस्स दारगस्स ग्रम्मापितरो नामधेज्जं करेति गोसाले ति || १६. तए णं से गोसाले दारए उम्मुक्कबालभावे विण्णय - परिणयमेत्ते जोव्वणगमणु पत्तं सयमेव पाडिएकं चित्तफलग करेइ, करेत्ता चित्तफलगहत्थगए मंखत्तणेणं प्पा भावेमाणे विहरइ ||
१. ओ० सू० १५ ।
२. ओ० सू० १ ।
३. भ० २१६४ /
४. भ० २१२४ ।
५. भ० ११ १३४ ।
६. सं० पा०—बीतिक्कते जाव वारसमे 1
Jain Education International
७. बारसाह दिवसे ( अ, क, ख, ता, व); बारसहे दिवसे (म); वारसा हे दिवसे ( स ); द्रष्टव्यम् - भ० ११।१५३ सूत्रस्य पादटिप्पगम् ॥
८. विष्णाय (अस) ।
६. पडिएक्कं (क, ता, ब) 1
For Private & Personal Use Only
www.jainelibrary.org
| SR No. | 003561 |
| Book Title | Agam 05 Ang 05 Bhagvati Vyakhya Prajnapti Sutra Bhagvai Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |