________________
६५०
भगवई
सूरिय-पदं १३२. तेणं कालेणं तेणं समएणं भगवं गोयमे अचिरुग्गयं वालसूरियं जासुमणाकुसुम
पुजप्पकासं लोहितगं पासइ, पासित्ता जायसड्ढे जाव' समुप्पन्तकोउहल्ले जेणेव समणे भगवं महावीरे तेणेव उवागच्छइ', 'उवागच्छित्ता समणं भगवं महावीरं तिक्खुत्तो आयाहिण-पयाहिणं करेइ, करेत्ता वंदइ नमसइ, वंदित्ता नमंसित्ता णच्चासण्णे णातिदूरे सुस्सूसमाणे नमसमाणे अभिमुहे विणएणं पंजलियडे पज्जुवासमाणे' एवं वयासो-किमिदं भंते ! सूरिए ? किमिदं भंते ! सूरियस्स अ??
गोयमा ! सुभे सूरिए, सुभे सूरियस्स अट्ठ ।। १३३. किमिदं भंते ! सूरिए ? किमिदं भंते ! सूरियस्स पभा ?
गोयमा । सुभे सूरिए, सुभा सूरियस्स पभा ।। १३४. किमिदं भंते सूरिए ? किमिदं भंते ! सूरियस्स छाया ?
गोयमा ! सुभे सूरिए, सुभा सूरियस्स छाया । १३५. किमिदं भंते । सूरिए ? किमिदं भते ! सूरियस्स लेस्सा ?
गोयमा ! सुभे सूरिए, सुभा सूरियस्स लेस्सा ° ॥ समणाणं तेयलेस्सा-पदं । १३६. जे इमे भंते ! अज्जत्ताए समणा निग्गंथा विहरंति, ते णं कस्स तेयलेस्सं
वीईवयंति? गोयमा ! मासपरियाए समणे निगथे वाणमंतराणं देवाणं तेयलेस्सं वीईवयइ । दुमासपरियाए समणे निगथे असुरिंदवज्जियाणं भवणवासीणं देवाणं तेयलेस्सं वीईवयइ। एवं एएणं' अभिलावेणं-तिमासपरियाए समणे निग्गंथे असुरकुमाराणं देवाणं तेयलेस्सं वीईवयइ। चउम्मासपरियाए समणे निग्गंथे गहगण-नक्खत्त-तारारूवाणं जोतिसियाणं देवाणं तेयलेस्सं वीईवयई । पंचमासपरियाए समणे निग्गंथे चदिम-सूरियाणं जोतिसिंदाणं जोतिसराईणं तेयलेस्सं वीईवयइ। छम्मासपरियाए' समणे निग्गंथे सोहम्मीसाणाणं देवाणं तेयलेस्स वीईवयइ ।
१. भ० ११०॥ २. सं० पा०-उवागच्छइ जाव नमंसित्ता
जाव एवं ३. सं० पा०--एवं चेव एवं छाया एवं लेस्सा।
४. एते (क, ता, ब, म, स); तए (ख) । ५. तेतेणं (ब)। ६. छमास (स)।
Jain Education International
For Private & Personal Use Only
www.jainelibrary.org
