________________
चोद्दसमं सतं (अटुमो उद्देसो) ११२. पहू णं भंते ! अम्मडे परिवायए देवाणुप्पियाणं अंतियं मुंडे भवित्ता अगारामो
अणगारियं पव्वइत्ताए ? नो इण? समट्ठ । गोयमा ! अम्मडे णं परिवायए समणोवासए अभिगयजीवाजीवे उवलद्धपुण्णपावे पासव-संवर-निज्जर-किरियाहिगरण बंध-मोक्खकुसले असहेज्ज' देवासुरनाग-सुवण्ण जक्ख-रक्खस-किन्नर-किंपुरिस-गरुल-गधव्वमहोरगाइएहि निग्गंथाम्रो पावयणाप्रो अणइक्कमणिज्जे, इणमो निग्गये पावयणे निस्संकिए निक्कंखिए निबितिगिच्छे लढे गहियटे पुच्छिथट्टे अभिगयढे विणिच्छिय? अट्टिमिंजपेमाणुरागरते, अयमाउसो ! निग्गथे पावयणे अटे, अयं परमढे, सेसे अणद्वे, च उद्दसअट्ठमुद्दिठ्ठपुण्णमासिणीसु पडिपुण्णं पोसहं अणुपालेमाणे, समणे निरगंथे फासुएसणिज्जेणं असण-पाण-खाइम-साइमेणं वत्थ-पडिग्गहकंबल-पायपुच्छणेणं प्रोसहभेसज्जेणं पाडिहारिएणं पीढफलगसेज्जा-संथारएणं पडिलाभेमाणे सीलब्वय-गुण-वेरमण-पच्चक्खाण-पोसहोववासेहिं अहापरिगहि
एहिं तवोकम्मेहि अप्पाणं भावेमाणे विहरइ ° जाव' दढप्पइण्णो अंतं काहिति ॥ अव्वाबाहदेव-सत्ति-पदं २१३. अस्थि णं भंते ! अव्वाबाहा देवा, अव्वाबाहा देवा ?
हंता अस्थि ।। ११४. से केणद्वेणं भंते ! एवं वुच्चइ-अव्वाबाहा देवा, अव्वाबाहा देवा ?
गोयमा ! पभू णं एगमेगे अव्वाबाहे देवे एगमेगस्स पुरिसस्स एगमेगंसि अच्छिपत्तंसि दिव्वं देविड्ढि, दिव्वं देवज्जुति, दिव्वं देवाणुभाग, दिव्वं बत्तीसतिविहं नट्टविहि उवदंसेत्तए, नो चेव णं तस्स पुरिसस्स किचि आवाहं वा वाबाह' वा उप्पाएइ, छविच्छेयं वा करेइ, एसुहुमं च णं उवदंसेज्जा से तेण?णं' 'गोयमा!
एवं बुच्चाइ ° --अव्वावाहा देवा, अव्वाबाहा देवा ।। सक्कस्स सत्ति-पदं ११५. पभू णं भंते ! सको देविदे देवराया पुरिसस्स सीसं सपाणिणा' असिणा
छिदित्ता कमंडलुंसि पक्खिवित्तए ?
हंता पभू ।। ११६. से कहमिदाणि पकरेति ?
गोयमा ! छिदिया-छिदिया च णं पक्खिवेज्जा, भिदिया-भिदिया च णं
१. विभक्तिरहितं पदम् । २. ओ० सू० १२१-१५४ । ३. पबाहं (क, वृ); वाबाहं (वृपा) । ४. एस्सुमुहं (ता, ब, म)।
५. सं० पा०-तेराट्रेणं जाव अव्वावाहा । ६. सापाणिणा (ख, ता, व) । ७. कमंडलुमि (अ, क, म); कमंडलुपि (ख,
ब, स)।
Jain Education International
For Private & Personal Use Only
www.jainelibrary.org
