Page Text
________________
चोद्दसमं सतं (अट्ठमो उद्देलो)
६४५ महानई अोगाहित्ता वालुयासंथाराए संथरित्ता संन हणा-असियाणं' भत्तपाणपडियाइक्खियाणं पायोवगाणं कालं अणवकंखमाणाणं विहरित्तए त्ति कटु अण्णमण्णस्स अंतिए एयमटुं पडिमुणे ति, पडिसुणेत्ता तिदंडा य कुंडियानो य कंचणियायो य करोडियाओ य भिसियायो य छण्णाला य अंकसए य केसरियानो य पवित्तए य गणेत्तियानो य छत्तए य वाहणायो य धाउरत्तानो य एगते एडेंति, एडेता गंगं महानई नोगाहेंति, योगाहेत्ता वालुयासंथारए संथरंति, संथरित्ता बालुयासंथारयं दुरुहंति, दुहित्ता पुरस्थाभिमुहा संपलियंकनिसण्णा करयलपरिग्गहियं सिरसावत्तं मत्थर अंजलि कटु एवं वयासीनमोत्थु णं अरहताणं जाव' सिद्धिगइनामधेयं ठाणं संपत्ताणं । नमोत्थु णं समणस्स भगवओ महावीरस्स जाव' संपाविउकामस्स । नमोत्थु णं अम्मडस्स परिव्वायगरस अम्हं धम्मायरियस्स धम्मोवदेसगस्स । पुदिव णं अम्हेहि अम्मडस्स परिव्वायगस्स अंतिए थूलए पाणाइवाए पच्चक्खाए जावज्जीवाए, मुसावाए अदिण्णादाणे पच्चक्खाए जावज्जीवाए, सव्वे मेहुणे पच्चक्खाए जावज्जीवाए, थूलए परिग्गहे पच्चक्खाए जावज्जीवाए, इयाणि अम्हे समणस्म भगवनो महावीरस्स अंतिए सव्वं पाणाइवायं पच्चक्खामो जावज्जीवाए सव्वं मुसावायं पच्चक्खामो जावज्जीवाए सव्वं अदिण्णादाणं पच्चवखामो जावज्जीवाए सव्वं मेहुणं पच्चक्खामो जावज्जीवाए सव्वं परिग्गह पच्चक्खामोजावज्जीवाए सव्वं कोहं माणं मायं लोहं पेज्जं दोसं कलहं अब्भ क्खाणं पेसण्णं परपरिवायं अरइरई मायामोस मिच्छादसणसल्लंकरणिज्ज जोग पच्चक्खामो जावज्जीवाए सव्वं असणं पाणं खाइमं साइम-चउन्विहं पि आहारं पच्चदखामो जावज्जीवाए। जपि य इमं सरीरं इ8 कंतं पियं मणुण्णं मणाम पेज्ज वेसासियं संमयं वहमयं अणमयं भंड-करंडग-समाण मा गं सीयं, मा णं उण्हं, माणं खुहा, मा णं पिवासा, मा णं वाला, मा णं चोरा, मा णं दंसा, मा णं मसगा, मा णं वाइयपित्तिय-सिभिय-सन्निवाइय' विविहा रोगायंका परीसहोवसागा फूसंतु त्ति कट्ट एयपि णं चरिमेहि ऊसासनीसासेहिं वोसिरामि त्ति कटु संलेहणा-झूसिया भत्तपाण-पडियाइक्खिया पायोवगया कालं अणवकखमाणा विहरति । तए णं ते परिवाया वहूई भत्ताई अणसणाए छेदति, छेदित्ता आलोइय-पडिकंता समाहिपत्ता कालमासे कालं किच्चा वंभलोए कप्पे देवत्ताए उववण्णा। तहि तेसि गई, तहि तेसि ठिई, तहिं तेसिं उववाए पण्णत्ते ।
१. विभक्तिरहितं पदम् ।
१. ओ० सू० २१ । २. ओ० सू० २१ ।
Jain Education International
For Private & Personal Use Only
www.jainelibrary.org
| SR No. | 003561 |
| Book Title | Agam 05 Ang 05 Bhagvati Vyakhya Prajnapti Sutra Bhagvai Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |