________________
भगवई
पुढवीए उवरिमहेट्ठिल्लेसु खुड्डगपयरेस', एत्थ णं तिरियलोगमज्झे अट्ठपएसिए रुयए पण्णत्ते, जो णं इमामो दस दिसायो पवहंति, तं जहा--१. पुरत्थिमा २. पुरथिमदाहिणा ३. दाहिणा ४. दाहिणपच्चत्थिमा ५. पच्चस्थिमा
६. पच्चत्थिमुत्तरा ७. उत्तरा ८. उत्तरपुरस्थिमा ६. उड्ढा १०. अहो ।। ५१ एयासि णं भंते ! दसण्हं दिसाणं कति नामधेज्जा पण्णता? गोयमा ! दस नामधेज्जा पण्णत्ता, तं जहा--
इंदा अग्गेयी जमा, य नेरई वारुणी य वायव्वा ।
सोमा ईसाणी या, विमला य तमा य वोद्धव्वा ॥१॥ ५२. इंदा णं भंते ! दिसा किमादीया, किपवहा, कतिपदेसादीया, कतिपदेसुत्तरा,
कतिपदेसिया, किंपज्जवसिया, किसंठिया पण्णता ? गोयमा ! इंदा णं दिसा रुयगादीया, रुयगप्पवहा, दुपएसादीया, दुपएसुत्तरा, लोगं पडुच्च' असंखेज्जपएसिया, अलोगं पडुच्च प्रणतपएसिया, लोग पडुच्च सादीया सपज्जवसिया, अलोग पडुच्च सादीया अपज्जवसिया, लोगं पडुच्च मुरवसंठिया, अलोगं पडुच्च सगडुद्धिसंठिया पण्णत्ता॥ अग्गेयी णं भंते ! दिसा किमादोया, किंपवहा, कतिपएसादीया, कतिपएसवित्थिण्णा, कतिपएसिया, किंपज्जवसिया, किसंठिया पण्णता? गोयमा ! अग्गेयी णं दिसा रुयगादीया, रुयगप्पवहा, एगपएसादीया, एगपएसवित्थिण्णा- अणुत्तरा, लोगं पडुच्च असंखेज्जपएसिया अलोगं, पडुच्च अणंतपएसिया, लोगं पडुच्च सादीया सपज्जवसिया, अलोगं पडुच्च सादीथा अपज्जवसिया, छिण्णमुत्तावलिसंठिया पण्णत्ता । जमा जहा इंदा, नेरई जहा अम्गेयी । एवं जहा इंदा तहा दिसानो चत्तारि', जहा अग्गेई तहा चत्तारि विदिसायो।। विमला णं भंते ! दिसा किमादीया, किंपवहा, कतिपएसादीया, कतिपएसवित्थिण्णा, कतिपएसिया, किंपज्जवसिया, किसंठिया पण्णत्ता ° ? गोयमा ! विमला ण दिसा रुयगादीया, रुयगप्पवहा, चउप्पएसादीया, दुपएसवित्थिण्णा--अणुत्तरा, लोगं पडुच्च असंखेज्जपएसिया, अलोगं पडुच्च अणंतपएसिया, लोगं पडुच्च सादीया सपज्जवसिया, अलोगं पडुच्च सादीया अपज्जवसिया°, रुयगसंठिया पण्णत्ता । एवं तमा वि ॥
५३.
१. खुड्डाग° (ता, ब)।
४. चत्तारि वि (क, ख, ता, ब, म)। २. सं० पा०-एवं जहा दसमसए जाव नाम- ५. सं० पा०-पुच्छा जहा अग्गेयोए। धेज्जे ति।
६. सं० पा०--सेसं जहा अग्गेयीए नवरं रुयग३. पडुच्चा (ता) सर्वत्र ।
संठिया।
Jain Education International
For Private & Personal Use Only
www.jainelibrary.org
