________________
५६२
गोयमा ! तिण्णि निरयावासस्यसहस्सा, एवं जहा पंकप्पभाए ॥ ११. तमाए णं भंते! पुढवीए केवतिया निरयावास सयसहस्सा पण्णत्ता • ? गोमा ! एगे पंचूणे निरयावास सय सहस्से पण्णत्ते । सेसं जहा पंकप्पभाए ॥ १२. प्रसत्तमाए णं भंते! पुढवीए कति अणुत्तरा महतिमहालया महानिरया
पण्णत्ता ?
गोयमा ! पंच अणुत्तरा मतिमहालया महानिरया पण्णत्ता, तं जहा - काले, महाकाले, रोरुए, महारोरुए, अपइट्ठाणे |
ते णं भंते! किं संखेज्जवित्थडा ? असंखेज्जवित्थडा ?
गोयमा ! संखेज्ज वित्थडे य असंखेज्जवित्थडा य ॥
१३. असत्तमाए णं भंते ! पुढवीए पंचसु अणुत्तरेसु महतिमहालएसु महानिरएसु संखेज्जवित्थडे नरए एगसमएणं केवतिया नेरइया उववज्जंति ?
एवं जहा पंकप्पभाए, नवरं - तिसु नाणेसु न उववज्जंति, न उब्वदृति, पण्णतसु त थि । एवं प्रसंखेज्जवित्थडेसु वि, नवरं - असंखेज्जा भाणियव्वा । १४. इमी से णं भंते ! रयणप्पभाए पुढवीए तीसाए निरयावास सय सहस्सेसु संखेज्जवित्थडेसु नरएसु कि सम्मद्दिट्ठी नेरइया उववज्जंति ? मिच्छदिट्टी नेरइया उववज्जति ? सम्मामिच्छदिट्ठी नेरइया उववज्जंति ?
गोयमा ! सम्मदिट्ठीवि नेरइया उववज्जंति, मिच्छदिट्ठी वि नेरइया उववज्जति, नो सम्मामिच्छदिट्ठी नेरइया उववज्जति ॥
१५. इमीसे गं भंते ! रयणम्पभाए पुढवीए तीसाए निरयावासस्यसहस्सेसु संखेज्जवित्थडे नरसु किं सम्मदिट्ठी नेरइया उब्वट्टेति ? एवं चैव ॥
4
भगवई
१६. इमीसे णं भंते ! रयणप्पभाए पुढवीए तीसाए निरयावाससयसहस्सेसु संखेज्जवित्थडा नरगा कि सम्मद्दिट्ठीहि नेरइएहि श्रविरहिया ? मिच्छदिट्ठीहिं एहि विरहिया ? सम्मामिच्छदिट्ठीहिं ने रइएहिं अविरहिया ?
गोयमा ! सम्मट्टीहिं नेरइएहि अविरहिया, मिच्छदिट्ठीहि वि नेरइएहि अविरहिया, सम्मामिच्छदिट्ठीहि नेरइएहिं प्रविरहिया विरहिया वा । एवं असंखेज्ज वित्थडेसु वितिष्णि गमगा भाणियव्वा । एवं सक्करप्पभाए वि, एवं जाव तमाए वि ॥
१७. प्रसत्तमाए णं भंते ! पुढवीए पंचसु श्रणुत्तरेसु जाव' संखेज्जवित्थडे नरए कि सम्मद्दिट्ठी नेरइया - पुच्छा !
१. सं० पा०- पुच्छा
२. सं० पा०-- अणुत्तरा जाव अपद्वाणे ।
३. महतिमहा जाव ( अ, क, ख, ता, ब, म, स ) 1
Jain Education International
४. पण्णत्तासु ( अ, ता, म, स); पण्णत्तेसु (क, ब) 1
५. भ० १३।१२ ।
For Private & Personal Use Only
www.jainelibrary.org
