________________
बारसमं सतं (दसमो उद्देसो) पंचविह-देवाणं अप्पाबहुयत्त-पदं १६७. एएसि णं भंते ! भवियदव्वदेवाणं, नरदेवाण', 'धम्मदेवाणं, देवातिदेवाणं,
भावदेवाण य कयरे कयरेहितो 'अप्पा वा ? वहुया वा ? तुल्ला वा ? • विसेसाहिया वा? गोयमा ! सव्वत्थोवा नरदेवा, देवातिदेवा संखेज्जगुणा, धम्मदेवा संखेज्जगुणा,
भवियदव्वदेवा असंखेज्जगुणा, भावदेवा असंखेज्जगुणा ।। १६८.
एएसि णं भंते ! भावदेवाणं भवणवासीणं, वाणमंतराणं, जोइसियाणं, वेमाणियाण-सोहम्मगाणं जाव अच्चुयगाणं, गेवेज्जगाणं, अणुत्तरोववाइयाण य कयरे कयरेहिंतो 'अप्पा वा ? वहुया वा ? तुल्ला वा ? ० विसेसाहिया वा ? गोयमा ! सम्वत्थोवा अणुत्त रोववाइया भावदेवा, उवरिमगेवेज्जा भावदेवा संखेज्जगुणा, मज्झिमगेवेज्जा संखेज्जगुणा, हेट्ठिमगेवेज्जा संखेज्जगुणा, अच्चुए कप्पे देवा संखेज्जगुणा जाव ग्राणयकप्पे देवा संखेज्जगुणा, सहस्सारे कप्पे देवा असंखेज्जगुणा, महासुक्के कप्पे देवा असंखेज्जगुणा, लतए कप्पे देवा असंखेज्जगुणा, बंभलोए कप्पे देवा असंखेज्जगुणा, माहिंदे कप्पे देवा असंखेज्जगुणा, सणंकुमारे कप्पे देवा असंखेज गुणा, ईसाणे कप्पे देवा असंखेज्जगुणा, सोहम्मे कप्पे देवा असंखेज्जगुणा, भवणवासिदेवा असंखेज्जगुणा, वाणमंतरा देवा
असंखेज्जगुणा °, जोतिसिया भावदेवा असंखेज्जगुणा ।। १६६. सेवं भंते ! सेवं भंते ! ति ।।
दसमो उद्देसो
अविह-पाय-पदं २००. कतिविहा णं भंते ! आया' पण्णत्ता ?
गोयमा! अट्टविहा पाया पण्णत्ता, तं जहा-दवियाया, कसायाया, जोगाया,
उवयोगाया, नाणाया, दसणाया, चरित्ताया, वीरियाया ।। २०१. जस्स णं भंते ! दवियाया तस्स कसायाया ? जस्स कसायाया तस्स दवियाया?
१. सं० पा०-नरदेवारणं जाव भावदेवाणं । २. सं० पा०- कयरेहितो जाव विसेसाहिया। ३. ४ (क, म); देवाणं (ब)। ४. सं० पा.-कयरेहितो जाब विसेसाहिया।
५. सं० पा०—एवं जहा जीवाभिगमे तिविहे
देवपूरिसे अप्पाबहयं जाव जोतिसिया। ६. भ० ११५१ । ७. आता (अ, ख, ता, ब, म,स)।
Jain Education International
For Private & Personal Use Only
www.jainelibrary.org
