________________
भगवई
१७०. नरदेवा गं भंते ! कमोहितो उववज्जति --किनेरइएहितो—पुच्छा।
गोयमा ! नेरइएहितो उववज्जति, नो तिरिक्खजोणिएहितो, नो मणुस्सेहितो,
देवेहितो वि उववज्जति ।। १७१. जइ नेरइएहितो उववज्जति–कि रयणप्पभापुढविनेरइहितो उववज्जति जाव
अहेसत्तमापुढविनेरइएहितो उववज्जति ? गोयमा ! रयणप्पभापुढविनेरइएहितो उववज्जति, नो सक्करप्पभापुढविनेर
इएहितो जाव नो अहेसत्तमापूढविनेरहपहितो उववज्जति ।। १७२. जइ देवेहितो उववज्जति किं भवणवासिदेवेहितो उववज्जति ? वाणमंतर
जोइसिय-वेमाणियदेव हितो उववज्जति ? गोयमा ! भवणवासिदेवेहितो वि उववज्जति, वाणमंतरदेवेहितो, एवं सव्वदेवेसु
उववाएयव्वा, वक्तीए भेदेणं जाव' सम्बट्ठसिद्धत्ति ।। १७३. धम्मदेवा णं भंते ! कमोहितो उववज्जति -कि ने रइएहितो उववज्जति
पुच्छा ।
एवं वक्कंतीभेदेणं सब्वेसु उववाएयव्वा जाव सव्वट्ठसिद्धत्ति, नवरं --तम
अहेसत्तम-तेउ-वाउ-असंखेज्जवासाउयनकम्मभूमग-अंतरदीवगवज्जेसु ।। १७४. देवातिदेवा णं भंते ! कमोहितो उववज्जति - किं ने रइएहितो उववज्जति
पुच्छा । गोयमा ! नेरइएहितो उववज्जति, नो तिरिक्खजोणिएहितो, नो मण्णुस्सेहितो,
देवेहितो वि उववज्जति ।। १७५. जइ नेरइएहितो ? एवं तिसु पुढवीसु उववज्जंति, सेसानो खोडेयवाओ ।। १७६. जइ देवेहितो? वेमाणिए सु सव्वेसु उववज्जति जाव सव्वट्ठसिद्धत्ति, सेसा
खोडेयव्वा ।। १७७. भावदेवा णं भंते ! कमोहितो उववज्जति ? एवं जहा वक्कंतीए भवणवासीणं
उववाओ तहा भाणियवो ॥ पंचविह-देवाणं ठिइ-पदं १७८. भवियदव्वदेवाणं भंते ! केवतियं कालं ठिती पण्णत्ता ?
गोयमा ! जहण्णेणं अंतोमुहुत्तं, उक्कोसेणं तिण्णि पलिग्रोवमाइं ।। १७६. नरदेवाणं-पुच्छा।
गोयमा ! जहण्णेणं सत्त वाससयाई, उक्कोसेणं चउरासीइं पुव्वसयसहस्साइं ।। धम्मदेवाणं-पुच्छा । गोयमा ! जपणेणं अंतोमुहत्तं, उक्कोसेणं देसूणा पुन्वकोडी ।।
१. ५०६।
Jain Education International
For Private & Personal Use Only
www.jainelibrary.org
