________________
भगवई
विप्पवासिए, से णं तो लद्धटे कयकज्जे अणहसमग्गे पुणरवि नियगं गिहं हव्वमागए, पहाए कयवलिकम्मे कयकोउय-मंगल-पायच्छित्ते सव्वालंकारविभूसिए मणुण्णं थालिपागसुद्धं अट्ठारसवंजणाकुलं भोयणं भुत्ते समाणे तंसि तारिसगंसि वासघरंसि "अभिंतररो सचित्तकम्मे बाहिरमो दूमिय-घट्ठ-मट्टे विचित्तउल्लोग-चिल्लियतले मणिरयणपणासियंधयारे, बहुसम-सुविभत्तदेसभाए पंचवण्ण-सरससुरभि-मुक्कपुप्फपुंजोवयारकलिए कालागुरु-पवरकुंदुरुक्क-तुरुक्क. धूव-मधमघेत-गंधु द्धयाभिरामे सुगंधवरगंधिए गंधवट्टिभूए। तसि तारिसगंसि सयणिज्जसि-सालिंगणवट्टिए उभो विब्बोयणे दुहो उण्णए मज्झे णय-गंभीरे गंगापुलिणवालुय-उद्दालसालिसए प्रोयविय-खोमियदुगुल्लपट्ट पडिच्छयणे सुविरइयरयत्ताणे रत्तंसुयसंवुए सुरम्मे पाइणग-रूय-बूरनवणीय-तलफासे सुगंधवरकूसूम-चण्ण ०.सयणोवयारकलिए ताए तारिसियाए भारियाए सिंगारागारचारुवेसाए' संगय-गय-हसिय-भणिय-चेद्रिय-विलाससललिय-संलाव-निउणजुत्तोवया रकुसलाए सुंदरथण-जघण-वयण-कर-चरणनयण-लावण्ण-रूव-जोव्वण-विलास कलियाए अणुरत्ताए अविरत्ताए मणाणुकुलाए सद्धि इट्टे सद्दे फरिसे •रसे रूवे गंधे° पंचविहे माणुस्सए कामभोगे पच्चणुब्भवमाणे विहरेज्जा, से गं गोयमा ! पुरिसे विउसमणकालसमयंसि केरिसयं सायासोक्खं पच्चणुब्भवमाणे विहरइ ? ओरालं समणाउसो! तस्स णं गोयमा ! पुरिसस्स कामभोगेहितो वाणमंतराणं देवाणं एतो अणंतगणविसिटू त रा चेव कामभोगा। वाणमंतराणं देवाणं कामभोगेहितो असुरिंदवज्जियाणं भवणवासीणं देवाणं एत्तो अणंतगुणविसिद्वतराचेव कामभोगा। असुरिदवज्जियाणं भवणवासियाणं देवाणं कामभोगेहितो असुरकुमाराणं देवाणं एत्तो अणंतगुणविसिटुतरा चेव कामभोगा। असुर कुमाराणं देवाणं कामभोगेहितो गहगण-नक्खत्त-तारारूवाणं जोतिसियाणं देवाणं एत्तो अणंतगणविसिट्रतरा चेव कामभोगा । गहगण-नक्खत्त"-'तारारूवाणं जोतिसियाणं कामभोगेहितो चंदिम-सूरियाणं जोतिसियाणं जोतिसराईणं एत्तो अणंतगुणविसिटुतरा चेव कामभोगा। चंदिम सूरिया णं गोयमा ! जोतिसिंदा जोतिसरायाणो एरिसे कामभोगे पच्चणुब्भवमाणा विहरंति ।।
-
१. थालिपागसिद्धं (ब)। २. सं० पा०-वण्णओ महब्बले कुमारे जाव
सयणो ।
३. सं० पा०-सिंगारागारचारुवेसाए जाव
कलियाए। ४. सं० पा–फरिसे जाव पंचविहे। ५. पा० सं०---नक्खत्त जाव काम ।
Jain Education International
For Private & Personal Use Only
www.jainelibrary.org
