________________
भगवई
उचिणाइ ? एवं चेव जाव' अण्परियट्टइ ।। २४. मायवसट्टे णं भंते ! जोवे कि बंधइ ? कि पकरेइ ? किं चिणाइ ? कि उवचि
णाइ? एवं चेव जाव' अणुपरियट्टइ। २५. लोभवसट्टे णं भंते ! जीवे कि वंधइ ? कि पकरेइ ? कि चिणाइ? कि उचि
णाइ ? एवं चेव जाव' अणुपरियट्टइ ।। २६. तए णं ते समणोवासगा समणस्स भगवो महावी रस्स अंतियं एयमढे सोच्चा
निसम्म भीया तत्था तसिया संसारभउब्विग्गा समणं भगवं महावीरं वंदइ नमसंइ, वंदित्ता नमंसित्ता जेणेव संखे समणोवासए तेणेव उवागच्छंति, उवागच्छित्ता संखं समणोवासगं वंदति नमसंति, वंदित्ता नमंसित्ता एयमटुं सम्म विणएणं भुज्जो-भुज्जो खामेति । तए णं ते समणोवासगा " पसिणाई पुच्छंति, पुच्छित्ता अढाइं परियादियति, परियादियित्ता समणं भगवं महावीरं वदंति
नमसंति, वंदित्ता नमंसित्ता जामेव दिसं पाउन्भूया तामेव दिसं पडिगया ।। २७. भंतेति ! भगवं गोयमे समणं भगव महावीरं वंदइ नमसइ, वंदित्ता नमंसित्ता
एवं वयासी--पभू णं भंते ! संखे समणोवासए देवाणुप्पियाणं अंतियं मंडे भवित्ता अगाराग्रो अणगारियं पव्वइत्तए ? नो इण? सम?। गोयमा ! संखे समणोवासए बहूहिं सीलव्वय-गुण-वेरमणपच्चक्खाण-पोसहोववासेहिं अहापरिग्गहिएहिं तवोकम्मेहि अप्पाणं भावेमाणे बहूई वासाइं समणोवासगपरियागं पाउणिहिति, पाउणित्ता मासियाए सलेहणाए अत्ताणं झूसेहिति, झूसेत्ता सट्ठि भत्ताइ अणसणाए छेदेहिति, छेदेत्ता आलोइय-पडिक्कते समाहिपत्ते कालमासे काल किच्चा सोहम्मे कप्पे अरुणाभे विमाणे देवत्ताए उववज्जिहिति । तत्थ णं अत्थेगतियाणं देवाणं चत्तारि पलिग्रोवमाई ठिती पण्णत्ता । तत्थ णं संखस्स वि देवस्स चत्तारि पलिग्रोवमाई
ठिती भविस्सति ॥ २८. से णं भंते ! संखे देवे तानो देवलोगायो ग्राउक्खएणं भवक्खएणं ठिइक्खएणं
अणंतरं चयं चइत्ता कहि गच्छिहिति ? कहि उववज्जिहिति ? गोयमा ! महाविदेहे वासे सिज्झिहिति बुझिहिति मुच्चि हिति परिणिव्वाहिति
सव्वदुक्खाणं• अंत काहिति !! २६. सेवं भंते ! सेवं भंते ! त्ति जाव' विहरइ ।।
१. भ० १२।२२। २. मायावय? (व, म). ३. भ० १२।२२। ४. भ० १२१२२ ।
५. सं० पा.-सेसं जहा आलभियाए जाव
पडिगया। ६. सं०पा०-सेसं जहा इसिमपुत्तस्स जाव अंत। ७. भ० ११५१।
Jain Education International
For Private & Personal Use Only
www.jainelibrary.org
