________________
एककारसं सतं (एक्कारसमो उद्देसो) ११८. तए णं से सुदंसणे सेट्ठी समणस्स भगवत्रो महावीरस्स अंतियं धम्म सोच्चा
निसम्म हट्टतुट्टे उट्ठाए उढेइ, उद्वेत्ता समणं भगवं महावीरं तिक्खुतो आया
हिण-पयाहिणं करेइ, करेता वंदइ नमसइ, वंदित्ता नमंसित्ता एवं वयासी११६. कतिविहे णं भंते ! काले पण्णत्ते ?
सुदंसणा ! च उबिहे काले पण्णत्ते, तं जहा---पमाणकाले, अहाउनिव्वत्तिकाले,
मरणकाले, अद्धाकाले ।। १२०. से कि तं पमाणकाले ?
पमाणकाले दुविहे पण्णत्ते, तं जहा --दिवसप्पमाणकाले, राइप्पमाणकाले य । च उपोरिसिए दिवसे, च उपोरिसिया राई भवइ । उक्कोसिया अद्धपंचममुहत्ता दिवसस्स वा राईए वा पोरिसी भवइ, जहणिया तिमुहुत्ता दिवसस्स वा राईए
वा पोरिसी भवइ ।। १२१.
जदा णं भंते ! उक्कोसिया अद्धपंचममुहत्ता दिवसस्स वा राईए वा पोरिसो भवइ, तदा णं कति भागमहत्तभागेणं परिहायमाणी-परिहायमाणी जहणिया तिमुहुत्ता दिवसस्स वा राईए वा पोरिसी भवइ ? जदा णं जहष्णिया तिमुहत्ता दिवसस्स वा राईए वा पोरिसी भवइ, तदा णं कतिभागमुहुत्तभागेणं परिवड्ढमाणी-परिवड्ढमाणी उक्कोसिया अद्धपंचममुहुत्ता दिवसस्स वा राईए वा पोरिसी भवइ? सुदंसणा! जदा ई उक्कोसिया अद्धपंचमुहुत्ता दिक्सस्स वा राईए वा पोरिसी भवइ, तदा णं वादीससयभागमुहुत्तभागेणं परिहायमाणी-परिहायमाणी जहणिया तिमहत्ता दिवसस्स वा राईए वा पोरिसी भवइ। जदा वा जहणिया तिमहत्ता दिवसस्स वा राईए वा पोरिसी भवइ, तदा णं बावीससयभागमुहत्तभागेणं परिवड्ढमाणी-परिवड्ढमाणी उक्कोसिया अद्धपंचममुहत्ता दिवसस्स
वा राईए वा पोरिसी भवइ ।। १२२.
कदा णं भंते ! उक्कोसिया अपंचममुहुत्ता दिवसम्स वा राईए वा पोरिसी भवह ? कदा वा जहणिया तिमहत्ता दिवसस्स वा राईश वा पोरिसी भवइ? सदसणा ! जदा णं उक्कोसए अटारसमहत्ते दिवसे भवइ, जहणिया दवालसमहत्ता राई भवइ, तदा णं उक्कोसिया अद्धपंचममुहुत्ता दिवसस्स पोरिसी भवइ, जहणिया तिमुहुत्ता राई। पोरिसी भवइ । जदा णं उक्कोसिया अदारसमहुत्तिया राई भवई, जहण्णिए दुवालसमुहुत्ते दिवसे भवइ, तदा णं उक्कोसिया पद्धपंचममुहत्ता राईए पोरिसी भवइ, जहणिया तिमहत्ता दिवसस्स पोरिसी भवइ ।।
१. सं० पा०-तिक्षुत्तो जाव नमंसित्ता।
२. रत्ति° (अ, क, ब, म)।
Jain Education International
For Private & Personal Use Only
www.jainelibrary.org
