________________
४४६
भगवई
खल जाया ! निग्गंये पावयणे सच्चे अणत्तरे केवले पडिपण्णे या संसडे सल्लगत्त
मग मुत्तिमम्गे निजाणमग्गे निव्वाणमग्गे अवितहे अविसंधि सव्वदुक्खप्पहीणमग्गे, एत्थं ठिया जीवा सिझंति बुज्झति मुच्चंति परिनिवायंति ° सव्वदुक्खाणं अंतं करेंति । अहीव एगंतदिट्ठीए, खुरो इव एगंतधाराए, लोहमया जवा चावेयब्वा, वालुयाकवले इव निस्साए, गंगा वा महानदी पडिसोयंगमणयाए, महासमुद्दो वा भुयाहिं दुत्तरो, तिक्खं कमियव्वं, गरुयं लंबेयव्वं, असिधारगं वयं चरियव्वं ।। नो' खलु कप्पइ जाया ! समणाणं निग्गंथाणं अहाकम्मिए इ वा, उद्देसिए इ वा, मिस्सजाए इ वा, अज्झोयरए इ बा, पूइए इ वा, कीते इ वा, पाभिच्चे इ वा, अच्छेज्जे इ वा, अणिसटे इ वा, अभिहडे इ वा, कतारभत्ते इ वा, दुब्भिक्खभत्ते इ वा, गिलाणभत्ते इ वा, वद्दलियाभत्ते इ वा, पाहुणगभत्ते इ वा, सेज्जायरपिंडे इ वा, रायपिंडे इ वा, मूल भोयणे इ वा, कंदभोयणे इ वा, फल भोयणे इ वा, वीयभोयणे इ वा, हरियभोयणे इ वा, भोत्तए वा पायए वा। तुम सि च णं जाया! सुहसमुचिए नो चेव णं दुहसमुचिए, नालं सीयं, नालं उण्हं, नालं खुहा, नालं पिवासा, नालं चोरा, नालं वाला, नालं दंसा, नालं मसगा, नालं बाइय-पित्तिय-संभिय-सन्निवाइए विविहे रोगायके, परिस्सहोवसग्गे उदिण्णे अहियासेत्तए । तं नो खलु जाया ! अम्हे इच्छामो तुब्भं खणमवि विप्पयोग, तं अच्छाहि ताव जाया! जाव ताव अम्हे जीवामो तो पच्छा अम्हेहि' 'कालगहि समाणेहिं परिणयवए, वड्ढियकुलवंसतंतुकज्जम्मि निरवयक्खे समणस्स भगवो महावीरस्स अंतियं मुडे भवित्ता अगाराओ अण
गारियं पव्वइहिसि ।। १७८. तए णं से जमाली खत्तियकुमारे अम्मापियरो एवं वयासी-तहा वि तं
अम्मतानो ! जण्णं तुब्भे ममं एवं वदह– एवं खलु जाया ! निगंथे पावयणे सच्चे अणत्तरे केवले तं चेव जाव पव्वइहिसि, एवं खलु अम्मतायो ! निग्गंथे पावयणे कीवाणं कायराणं कापुरिसाणं इहलोगपडिबद्धाणं परलोगपरंमुहाणं विसयतिसियाणं दुरणुचरे पागयजणस्स, धीरस्स निच्छियस्स ववसियस्स नो खलु एत्थं किंचि वि दुक्करं करणयाए, तं इच्छामि णं अम्मताओ ! तुन्भेहिं
१. सं० पा०—जहा आवस्सए जाव सव्व ० । २. गुरुयं (अ) ३. णो य (अ, ता, ब)। ४. मीसजाए (ता); मिस्साजाए (ब)।
५. उज्झो० (अ, स)। ६. सं० पा०- अम्हेहिं जाव पध्वइहिसि । ७. अम्मयाओ (अ, स)। ८. भ० ६।१७७१
Jain Education International
For Private & Personal Use Only
www.jainelibrary.org
