Page Text
________________
नवमं सतं (तेत्तीसइमो उद्देसो)
४३५
विप्रोसरणयाए २. अचित्ताणं दव्वाणं अविनोसरणयाए ३. एगसाडिएणं उत्तरासंगकरणेणं ४. चक्खुप्फासे अंजलिप्पग्गहेणं ५. मणसो एगत्तीकरणेणं] जेणेव समणे भगवं महावीरे तेणेव उवागच्छइ, उवागच्छित्ता तिक्खुत्तो आयाहिण-पयाहिणं करेइ, करेत्ता वंदइ नमसइ, वंदित्ता नमंसित्ता तिविहाए
पज्जुवासणाए पज्जुवासइ ।।। १४६. तए णं सा देवाणंदा माहणी धम्मियानो जाणप्पवरात्रो पच्चोरुहति, पच्चोरु
हित्ता बहूहिं खुज्जाहिं जाव' चेडियाचक्कवाल-वरिसधर-थेरकंचुइज्ज-महत्तरगवंदपरिक्खित्ता समणं भगवं महावीरं पंचविहेणं अभिगमेणं अभिगच्छइ, [तं जहा–१. सचित्ताणं दव्वाणं विप्रोसरणयाए २. अचित्ताणं दव्वाणं अविमोयगयाए ३. विणयोणयाए गायलट्ठीए ४. चक्खुप्फासे अंजलिपग्रहेणं ५. मणस्स एगत्तीभावकरणेणं] 'जेणेव समणे भगवं महाबीरे तेणेव उवागच्छइ, उवागच्छित्ता समणं भगवं महावीरं तिक्खुत्तो प्रायाहिण-पयाहिणं करेइ, करेत्ता वंदइ नमसइ, वंदित्ता नमंसित्ता उसभदत्तं माहणं पुरो कटु ठिया चेव सपरिवारा सुस्सूसमाणी नमसमाणी अभिमुहा विणएणं पंजलि कडा पज्जु
वासइ॥ १४७. तए णं सा देवाणंदा माहणी ग्रागयपण्हया पप्पूयलोयणा संवरियवलयबाहा
कंचयपरिक्खित्तिया धाराहयकलंवगं पिव समूसवियरोमकवा समणं भगवं
महावीरं अणिमिसाए दिट्ठीए देहमाणी-देहमाणी चिट्ठइ ।। १४८. भंतेति ! भगवं गोयमे समणं भगवं महावोरं वंदइ नमसइ, वंदित्ता नमंसित्ता
एवं वयासो-किं णं भंते ! एसा देवाणंदा माहणी भागयपण्या पप्पुयलोयणा संवरियवलयवाहा कंचयपरिक्खित्तिया धाराहयकलंवगं पिव समूसविय° रोमकूवा देवाणु प्पियं अणिमिसाए दिट्ठीए देहमाणी-देहमाणी चिटुइ ? गोयमादि ! समणे भगवं महावीरे भगवं गोयम एवं वयासी--एवं खलु गोयमा ! देवाणंदा माहणी ममं अम्मगा, अहण्णं देवाणंदाए माहणीए अत्तए। 'तण्णं एसा" देवाणंदा माहणी तेणं पुव्वपुत्तसिणेहरागेणं प्रागयपण्हया 'पप्पुयलोयणा, संवरियवलयवाहा कंचुयपरिक्खित्तिया धाराहयकलंबग पिव समूसवियरोमकूवा ममं अणिमिसाए दिट्ठीए देहमाणी-देहमाणी चिट्ठइ ।।
--
-...-.
....
१. स० पा०—एवं जहा वितियसए जाव तिवि- ६. पप्फुय° (अ, ता, स); पप्फुल्ल ° (क)। हाए।
७. सं० पा०-तं चेव जाव रोमकूवा । २. कोष्ठकवर्ती पाठो व्याख्याशः प्रतीयते । ८. गोयमादी (क, ता, ब, म)। ३. भ० ६१४४।
६. तए ए सा (अ, म)। ४. कोष्ठकवर्ती पाठो व्याख्यांशः प्रतीयते । १०. सं. पा०—आगयपण्या जाव समूसविय। ५. पंजलिउडा (अ)।
Jain Education International
For Private & Personal Use Only
www.jainelibrary.org
| SR No. | 003561 |
| Book Title | Agam 05 Ang 05 Bhagvati Vyakhya Prajnapti Sutra Bhagvai Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |