________________
४०४
भगवई
गोयमा ! जस्स णं सुयनाणावरणिज्जाणं क्रम्माणं खग्रोवसमे कडे भव इ से णं असोच्चा केवलिस्स वा जाव तप्पक्खियउवासियाए वा केवलं सुयनाणं उप्पाडेज्जा, जस्स णं सुयनाणावरणिज्जाणं कम्माणं खग्रोवसमे नो कडे भवइ से णं असोच्चा केवलिस्स वा जाव तप्पक्खियउवासियाए वा केवलं सुयनाणं नो उप्पाडेज्जा। से तेणटेणं गोयमा! एवं वुच्चइ - असोच्चा णं जाव केवलं
सुयनाणं नो उप्पाडेज्जा ।। २५. असोच्चा णं भंते ! केवलिस्स वा जाव तप्पक्खियउवासिए वा केवलं अोहिनाणं
उप्पाडेज्जा? गोयमा ! असोच्चा णं केवलिस्स वा जाव तप्पक्खियउवासियाए वा अत्थेगतिए
केवलं प्रोहिनाणं उप्पाडेज्जा, अत्थेगतिए केवलं प्रोहिनाणं नो उप्पाडेज्जा ।। २६. से केणतुणं भंते ! एवं वुच्चइ–असोच्चा णं जाव केवलं प्रोहिनाणं नो
उप्पाडेज्जा? गोयमा ! जस्स णं प्रोहिनाणावरणिज्जाणं कम्माणं खोवसमे कडे भवइ से णं असोच्चा केवलिस्स वा जाव तप्पक्खियउवासियाए वा केवलं प्रोहिनाणं उप्पाडेज्जा, जस्स णं अोहिनाणावरणिज्जाणं कम्माणं खग्रोवसमे नो कडे भवइ से णं असोच्चा केवलिस्स वा जाव तप्पक्खियउवासियाए वा केवलं मोहिनाणं नो उप्पाडेज्जा । से तेणद्वेणं गोयमा! एवं वुच्चइ-असोच्चा णं जाव केवलं
प्रोहिनाणं नो उप्पाडेज्जा ॥ २७. असोच्चा णं भंते ! केवलिस्स वा जाव तप्पक्खियउवासियाए वा केवलं मण
पज्जवनाणं उप्पाडेज्जा? गोयमा ! असोच्चा णं केवलिस्स वा जाव तप्पक्खियउवासियाए वा अत्थेगतिए केवलं मणपज्जवनाण उप्पाडेज्जा, अत्थेगतिए केवलं मणपज्जवनाणं नो
उप्पाडेज्जा। २८. से केणद्वेणं भंते ! एवं वुच्चइ... असोच्चा णं जाव केवलं मणपज्जवनाणं नो
उप्पाडेज्जा ? गोयमा ! जस्स णं मणपज्जवनाणावरणिज्जाणं कम्मपणं खग्रोवसमे कडे भवइ से णं असोच्चा केलिस्स वा जाव तप्पक्खिय उवासियाए वा केवलं मणपज्जवनाणं उप्पाडेज्जा, जस्स णं मणपज्जवनाणावरणिज्जाणं कम्माणं खग्रोवसमे नो कडे भवइ से णं असोच्चा केवलिस्स वा जाव तप्पक्खियउवासियाए वा केवलं मणपज्जवनाणं नो उप्पाडेज्जा। से तेणतुणं गोयमा ! एवं वुच्चइ- असोच्चा
णं जाव केवलं मणपज्जवनाणं नो उप्पाडेज्जा ॥ २६. असोच्चा णं भंते ! केवलिस्स वा जाव तप्पक्खियउवासियाए वा केवलनाणं
उप्पाडेज्जा?
Jain Education International
For Private & Personal Use Only
www.jainelibrary.org
