________________
३६०
भगवई
तत्थ णं जे से दोच्चे पुरिसजाए से णं पुरिसे असीलवं सुयवं - प्रणुवरए, विष्णाम्मे । एस णं गोयमा ! मए पुरिसे देसविराहए पण्णत्ते । तत्थ णं जे से तच्चे पुरिसजाए से णं पुरिसे सीलवं सुयवं-उवरए, विष्णाय - धम् । स णं गोमा ! मए पुरिसे सव्वाराहए पण्णत्ते ।
तत्थ णं जे से चउत्थे पुरिसजाए से गं पुरिसे असीलवं असुयवं - अणुवरए, विणायधम्मे । एस णं गोयमा ! मए पुरिसे सव्वविराहए पण्णत्ते ।
श्रीराहरणा-पदं
४५१. कतिविहा णं भंते ! आराहणा पण्णत्ता ?
गोमा ! तिविहा आराहणा पण्णत्ता, तं जहा - नाणाराहणा, दंसणा राहणा, चरिताराहणा ||
४५२. नाणाराहणा णं भंते ! कतिविहा पण्णत्ता ?
गोयमा ! तिविहा पण्णत्ता, तं जहा- उक्कोसिया, मज्झिमा, जहण्णा ॥ ४५३. दंसणा राहणा णं भंते ! कतिविहा पण्णत्ता ?
गोयमा ! तिविहा पण्णत्ता, तं जहा - उक्कोसिया, मज्झिमा, जहण्णा || ४५४. चरिताराहणा णं भंते ! कतिविहा पण्णत्ता !
गोयमा ! तिविहा पण्णत्ता, तं जहा उनकोसिया, मज्झिमा, जहण्णा ॥10 ४५५. जस्स णं भंते ! उक्कोसिया नाणाराहणा तस्स उक्कोसिया दंसणा राहणा ? जस्स उक्कोसिया दंसणा राहणा तस्स उक्कोसिया नाणाराहणा ?
गोयमा ! 'जस्स उक्कोसिया" नाणाराहणा तस्स दंसणाराहणा उक्कोसा वा हक्कोसा वा । जस्स पुण उक्कोसिया दंसणाराहणा तस्स नाणाराहणा कोसा वा, जहणा वा प्रजहण्णमणुक्कोसा वा ॥
४५६. जस्स णं भंते ! उक्कोसिया नाणाराहणा तस्स उक्कोसिया चरिताराहणा ?
जस्स उक्कोसिया चरिताराहणा तस्स उक्कोसिया नाणाराहणा ?
Jain Education International
• गोयमा ! जस्स उक्कोसिया नाणाराहणा तस्स चरिताराहणा उक्कोसा वा हक्कोसा वा । जस्स पुण उक्कोसिया चरिताराहणा तस्स नाणाराहणा कोसा वा जहणा वा प्रजहण्णमणुक्कोसा वा० ॥
४५७. जस्स णं भंते ! उक्कोसिया दंसणाराहणा तस्स उक्कोसिया चरिताराहणा ? जस्स उक्कोसिया चरिताराहणा तस्स उक्कोसिया दंसणाराहणा ?
१. सं० पा० एवं चेव तिविहा वि, एवं चरिताराहरणा वि।
२. जस्सुक्कोसिया ( अ, ता, ब ) ।
३. सं० पा०-- जहाँ उक्कोसिया नाणाराहणा यदसणाराहणा य भारिगया तहा उक्कोसिया नारणाराहणा य चरिताराहरणाय भाणियब्वा ।
For Private & Personal Use Only
www.jainelibrary.org
