________________
भगवई
३२६. एक्कविहबंधगस्स णं भंते ! वीयरागछउमत्थस्स कति परीसहा पण्णत्ता?
गोयमा ! एवं चेव-जहेव छविहबंधगस्स ।। ३२७. एगविहबंधगस्स णं भंते ! सजोगिभवत्थकेवलिस्स कति परीसहा पण्णत्ता ?
गोयमा ! एक्कारस परीसहा पण्णत्ता । नव पुण वेदेइ । सेसं जहा
छव्विहबंधगस्स ।। ३२८. अबंधगस्स णं भंते ! अयोगिभवत्थकेवलिस्स कति परीसहा पण्णत्ता?
गोयमा ! एक्कारस परीसहा पण्णत्ता । नव पुण वेदेइ--जं समयं सीयपरीसहं वेदेइ नो तं समयं उसिणपरीसहं वेदेइ, जं समयं उसिणपरीसहं वेदेइ नो तं समयं सीयपरीसहं वेदेइ, जं समयं चरियापरीसहं वेदेइ नो तं समयं सेज्जापरीसहं वेदेइ, जं समयं सेज्जापरीसहं वेदेइ नो तं समयं चरियापरीसहं वेदेइ ॥
सूरिय-पद
३२६. जंबुद्दीवे णं भंते ! दीवे सूरिया उग्गमणमुहुत्तंसि दूरे य मूले य दीसंति ?
मङतियमुहत्तंसि मूले य दूरे य दीसंति ? अत्थमणमुहत्तंसि दूरे य मूले य दीसंति ? हता गोयमा ! जंबुद्दीवे णं दीवे सूरिया उग्गमणमुहत्तंसि दूरे य' 'मूले य दीसंति, मज्झतियमुहुत्तंसि मूले य दूरे य दीसंति', अस्थमणमुहुत्तसि दूरे य मूले
य दीसंति ॥ ३३०. जंबुद्दीवे णं भंते ! दीवे सूरिया उग्गमणमुहुत्तंसि, मज्झतियमुहत्तंसि य,
अस्थमणमुहुत्तंसि य सव्वत्थ समा उच्चत्तेणं ? हंता गोयमा ! जंबुद्दीवे णं दीवे सूरिया उग्गमण' मुहत्तंसि, मज्झतियमुहत्तंसि
य, अत्थमणमुहुत्तसि य सव्वत्थ समा० उच्चत्तेणं ।। ३३१. जइ णं भंते ! जंबुद्दीवे दीवे सूरिया उग्गमणमहत्तंसि, मज्झतियमूहत्तंसि य,
अत्थमणमुहुत्तंसि' *य सव्वत्थ समा० उच्चत्तेणं, से केणं खाइ अद्वेणं भते ! एवं वुच्चइ - जंबुद्दीये णं दीवे सूरिया उग्गमणमुहुत्तंसि दूरे य मूले य दीसंति ? जाव अत्थमणमुहत्तंसि दूरे य मूले य दीसंति ? गोयमा ! लेसापडिपाएणं उग्गमणमुहुत्तसि दूरे य मूले य दीसंति, लेसाभितावेणं मझंतियमहत्तंसि मूले य दूरे य दीसंति, लेसापडिघाएणं अत्थमणमुहत्तंसि
१. सं० पा०-तं चेव जाव अस्थमण । 'अस्थमणमुहुत्तसि मूले जाव उच्चत्तेणं' इति २. सं० पा०-उगमण जाव उच्चत्तेरणं । पाठोऽस्ति । अत्र 'मूले' इति पदं नावश्यक ३. सं० पा०-प्रत्थमणमुहुतंसि जाव उच्च- प्रतिभाति !
तेणं । 'अ, ता, ता, म, स' सकेतितादर्शषु ४. ° मुहुत्तसि य (अ, क,ता, ब, म, स)।
For Private & Personal Use Only
Jain Education International
www.jainelibrary.org
