________________
२६४
भगवई
१३५. जीवाणं भंते ! भोगा? अजीवाणं भोगा?
गोयमा ! जीवाणं भोगा, नो अजीवाणं भोगा । १३६. कतिविहा णं भंते ! भोगा पण्णता ?
गोयमा ! तिविहा भोगा पण्णत्ता, तं जहा---गंधा, रसा, फासा ।। १३७. कतिविहा णं भंते ! काम-भोगा पण्णता?
गोयमा ! पंचविहा काम-भोगा पण्णता, तं जहा-सद्दा, रूवा, गंधा, रसा,
फासा ।। १३८. जीवा णं भंते ! कि कामी? भोगी?
गोयमा! जीवा कामी वि, भोगी वि।। १३६. से केणद्वेणं भंते ! एवं वुच्चइ-जीवा कामी वि ? भोगी वि?
गोयमा ! सोइंदिय-चविखंदियाइं पडुच्च कामी, घाणिदिय-जिभिदियफासिदियाइं पडुच्च भोगी। से तेण?णं गोयमा ! •एवं वुच्चइ-जीवा
कामी वि°, भोगी वि ।। १४०. नेरइया णं भंते ! किकामी? भोगी?
एवं चेव जाव थणियकुमारा ।। १४१. पुढविकाइयाण-पच्छा
गोयमा ! पुढविकाइया नो कामी, भोगी ।। १४२. से केणद्वेणं जाव भोगी?
गोयमा ! फासिदियं पडुच्च । से तेणटेणं जाव भोगी! एवं जाव वणस्सइकाइया । बेइंदिया एवं चेव, नवरं-जिभिदियफासिदियाइं पडुच्च । तेइंदिया
वि एवं चेव, नवरं-- पाणिदिय-जिब्भिदिय-फासिदियाई पडुच्च ।। १४३. चउरिदियाणं-पुच्छा।
गोयमा ! चउरिदिया कामी वि, भोगी वि ।। १४४. से केण?णं जाव भोगी वि?
गोयमा ! चक्खिदियं पडुच्च कामी, घाणिदिय-जिभिदिय-फासिदियाई पडुच्च भोगी । से तेण?णं जाव भोगी वि । अवसेसा जहा जीवा जाव वेमा
णिया।। १४५. एएसि णं भंते ! जीवाणं 'कामभोगीणं, नोकामीणं, नोभोगीणं, भोगीण' य
कयरे कयरेहितो 'अप्पा वा ? बहुया वा? तुल्ला वा ? विसेसाहिया वा ?
१. सं० पा०--गोयमा जाव भोगी। २. x (अ); एवं जाव (क, ब, म, स); पू०
प०२।
३. कामीणं भोगीरणं नोकामीणं नोभोगीण य
(क, ता)। ४. सं० पा०-कयरेहितो जाव विसेसाहिया।
Jain Education International
For Private & Personal Use Only
www.jainelibrary.org
