________________
२८८
भगवई
छट्ठो उद्देसो
प्राउयपकरण-वेयणा-पदं
१०१. रायगिहे जाव' एवं वयासी-जोवे णं भंते ! जे भविए नेरइएसु उववज्जित्तए',
याउयं पकरेइ ? उववज्जमाणे नेरइया उयं पकरेइ ? उववन्ने नेरइयाउयं पकरेइ ? गोयमा ! इहगए नेरइयाउयं पकरेइ, नो उववज्जमाणे नेरइयाउयं पकरेइ, नो
उववन्ने नेरइयाउयं पकरेइ । एवं असुरकुमारेसु वि, एवं जाव' वेमाणिएसु ॥ १०२. जीवे णं भंते ! जे भविए नेरइएसु उववज्जित्तए, से णं भंते ! कि इहगए नेर
इयाउयं पडिसंवेदेइ ? उववज्जमाणे नेरइयाउयं पडिसंवेदेइ ? उववन्ने नेरइयाउयं पडिसंवेदेइ ? गोयमा ! नो इहगए नेरइयाउयं पडिसंवेदेइ, उववज्जमाणे नेरइयाउयं पडिसं
वेदेइ, उववन्ने वि नेरइयाउयं पडिसंवेदेइ । एवं जाव वेमाणिएसु ॥ १०३.
जीवे णं भंते ! जे भविए ने रइएसु उववज्जित्तए, से णं भंते ! कि इहगए महावेदणे ? उववज्जमाणे महावेदणे ? उववन्ने महावेदणे ? गोयमा ! इहगए सिय महावेदणे सिय अप्पवेदणे, उववज्जमाणे सिय महावेदणे सिय अप्पवेदणे, अहे णं उववन्ने भवइ तो पच्छा एगंतदुक्खं वेदणं वेदेति,
प्राहच्च सायं ।। १०४. जीवे णं भंते ! जे भविए असरकुमारेस उववज्जित्तए, पृच्छा।
गोयमा । इहगए सिय महावेदणे सिय अप्पवेदणे, उववज्जमाणे सिय महावेदणे सिय अप्पवेदणे, अहे ण उववन्ने भवइ तो पच्छा एगतसातं वेदणं वेदेति,
पाहच्च असायं । एवं जाव' थणियकुमारेसु ।। १०५. जोवे णं भंते ! जे भविए पुढविक्काइएसु उववज्जित्तए, पुच्छा।
गोयमा ! इहगए सिय महावेदणे सिय अप्पवेदणे, एवं उववज्जमाणे वि, अहे णं उववन्ने भवइ तो पच्छा वेमायाए वेदणं वेदेति । एवं जाव' मणुस्सेसु ।
वाणमंतर-जोइसिय-वेमाणिएमु जहा असुरकुमारेसु ।। १०६. जीवा गं भंते ! किं आभोगनिव्वत्तियाउया ? अणाभोगनिव्वत्तियाउया ?
गोयमा! नो पाभोगनिव्वत्तियाउया, अणाभोगनिव्वत्तियाउया ! एवं नेरइया वि, एवं जाव वेमाणिया ।।
१. भ० १४-१०। २. उववज्जति (ब)। ३. पू० ५०२। ४. अस्सायं (अ, स)।
५. पू० प० २। ६. पू० प० २। ७. पू०प०२।
Jain Education International
For Private & Personal Use Only
www.jainelibrary.org
