________________
सत्तमं सतं (तइओ उद्देसो)
२८३
तइओ उद्देसो
वण्णस्सइ-पाहार-पदं
६२. वणस्सइक्काइया णं भंते ! कं' कालं सवप्पाहारगा वा, सव्वमहाहारगा वा
भवंति ? गोयमा! पाउस-वरिसारत्तेसु णं एत्थ णं वणस्सइकाइया सव्वमहाहारगा भवंति, तदाणंतर च णं सरदे', तदाणतरं च णं हेमते, तदाणंतरं च णं वसंते,
तदाणंतरं च णं गिम्हे । गिम्हासु णं वणस्सइकाइया सव्वप्पाहारगा भवंति ।। ६३. जइ णं भंते ! गिम्हासु वणस्सइकाइया सव्वप्पाहारगा भवंति, कम्हा णं
भंते ! गिम्हासु बहवे वणस्सइकाइया पत्तिया, पुफिया, फलिया, हरियगरेरिज्जमाणा, सिरीए अतीव-अतीव उवसोभेमाणा-उवसोभेमाणा चिटुंति ? गोयमा! गिम्हासु णं वहवे उसिण जोणिया जीवा य, पोग्गला य वणस्स इकाइयत्ताए वक्कमंति, चयति', उववज्जति । एवं खलु गोयमा ! गिम्हासु बहवे वणस्सइकाइया पत्तिया, पुफिया', 'फलिया, हरियगरेरिज्जमाणा,
सिरीए अतीव-अतीव उवसोभेमाणा-उवसोभेमाणा' चिट्ठति ।। ६४. से नूणं भंते ! मूला मूलजीवफुडा, कंदा कंदजीवफुडा, खंधा खंधजीवफुडा,
तया तयाजीवफुडा, साला सालजीवफुडा, पवाला पवालजीवफुडा, पत्ता पत्तजीवफुडा, पुप्फा पुप्फजीवफुडा, फला फलजीवफुडा , वीया वीयजीवफुडा ?
हंता गोयमा ! मूला मूलजीवफुडा जाव बीया वीयजीवफुडा ।। ६५. जइ णं भंते ! मूला मूलजीवफुडा जाव' बीया वीयजीवफुडा, कम्हा णं भंते !
वणस्सइकाइया आहारेति ? कम्हा परिणामेंति ? गोयमा ! मूला मूलजीवफुडा पुढवीजीवपडिबद्धा तम्हा अाहारेति, तम्हा परिणामेति । कंदा कंदजीवफुडा भूलजीवपडिबद्धा, तम्हा आहारेंति, तम्हा परिणामेति । एवं जाव' बीया बीयजीवफुडा फलजीवपडिबद्धा तम्हा आहारेंति, तम्हा परिणामेति ।।
१. किं (क, म)। २. तद (ब)। ३. सरए (अ)। ४. विउक्कमति (अ, क); विउक्कमति चयंति
५. सं० पा०—पुफिया जाव चिटुंति ! ६. सं० पा०--कंदजीवफूडा जाव बीया। ७. भ० ७.६४।
Jain Education International
For Private & Personal Use Only
www.jainelibrary.org
