________________
सत्तमं सतं (पढमो उद्देसो) समणपडिलामेण लाभ-पदं ८. समणोवासए णं भंते ! तहारूवं समणं वा माहणं वा फासु-एसणिज्जेणं असण
पाण-'खाइम-साइमेणं" पडिलाभेमाणे कि लब्भइ? गोयमा ! समणोवासए णं तहारूवं समणं वा माहणं वा फासु-एसणिज्जेणं असण-पाण-खाइम-साइमेणं ° पडिलाभेमाणे तहारूवस्स समणस्स वा माणस्स
वा समाहि उप्पाएति, समाहिकारए णं तामेव समाहि पडिलभइ॥ ६. समणोवासए णं भंते ! तहारूवं समणं वा 'माहणं वा फासु-एसणिज्जेणं असण
पाण-खाइम-साइमेण पडिलाभेमाणे कि चयति ? गोयमा ! जीवियं चयति, दुच्चयं चयति, दुक्करं करेति, दुल्लह लहइ, बोहिं
बुज्झइ, तो पच्छा सिज्झति जाव' अंतं करेति ॥ प्रकम्मस्त गति-पदं १०. अस्थि णं भंते ! अकम्मस्स गती पण्णायति ?
हंता अस्थि ॥ ११. कहण्णं भंते ! अकम्मस्स गतो पण्णायति ?
गोयमा ! निस्संगयाए, निरंगणयाए, गतिपरिणामेणं, बंधणछेदणयाए', निरिंधणयाए, पुवप्पनोगेणं अकम्मस्स गती पण्णायति ।। कहण्णं भंते ! निस्संगयाए, निरंगणयाए, गतिपरिणामेणं अकम्मस्स गती पण्णायति ? से जहानामए केइ पुरिसे सुक्कं तुंबं निच्छिड्डं निरूवा प्राणुपुवीए परिकम्मेमाणे-परिकम्मेमाणे दबभेहि य कुसेहि य वेढेइ, वेढेत्ता अहि मट्टियालेवेहि लिंपइ, लिपित्ता उण्हे दलयति, भूति-भूति सुक्कं समाणं अत्थाहमतारमपोरिसियंसि उदगंसि पक्खिवेज्जा, से नूणं गोयमा ! से तुंवे तेसि अट्ठण्हं मट्टियालेवाणं गुरुयत्ताए भारियत्ताए गुरुसंभारियत्ताए सलिलतलमतिवइत्ता अहे धरणितलपइट्ठाणे भवइ ? हंता भवइ । अहे णं से तुबे तेसि अट्ठण्हं मट्टियालेवाणं परिवखएवं धरणितलमतिवइत्ता उप्पि सलिलतलपइट्ठाणे भवइ ?
१. खातिम-सातिमेणं (अ, ब, स)। २. सं० पा०—समणं वा जाव पडिलाभे । ३. तमेव (क्व०)। ४. सं० पा०-समरणं वा जाव पष्टिलाभे०।
५. दुचयं (स)। ६. भ० ७१३ । ७. बंधवोच्छेदणताए (ता)। ८. इह मकारौ प्राकृतप्रभवो ()।
Jain Education International
For Private & Personal Use Only
www.jainelibrary.org
