________________
छटुं सतं (चउत्थो उद्देसो)
२४३ ५०. नाणावरणिज्ज णं भंते ! कम्मं किं सुहुमे बंधइ ? बादरे बंधइ ? नोसुहुमे
नोबादरे बंधइ ? गोयमा ! सुहमे बंधइ, बादरे भयणाए । नोसुहुमे नोबादरे न बंधइ । एवं आउगवज्जानो सत्त वि । आउगं सुहमे वादरे भयणाए । नोसुहमे नोबादरे
न बंधइ ।। ५१. नाणावरणिज्ज णं भंते ! कम्म कि चरिमे बंधइ ? अचरिमे बंधइ ?
गोयमा ! अट्ठ वि भयणाए । वेदगावेदगाण जीवाणं अप्पाबहुयत्त-पदं ५२. एएसि णं भंते ! जीवाणं इत्थोवेदगाणं पुरिसवेदगाणं, नपुंसगवेदगाणं, अवेदगाण
य कयरे कयरेहितो' 'अप्पा वा? बहुया वा ? तुल्ला वा ? विसेसाहिया वा? ० गोयमा ! सव्वत्थोवा जीवा पुरिसवेदगा, इत्थिवेदगा संखेज्जगुणा, अवेदगा अणंतगुणा, नपुंसगवेदगा अणंतगुणा। एएसि सव्वेसि पदाणं' अप्प-बहुगाई उच्चारेयव्वाइं जाव' सव्वत्थोवा जीवा
प्रचरिमा, चरिमा अणंतगुणा ।। ५३. सेवं भंते ! सेवं भंते ! त्ति ।।
चउत्थो उद्देसो कालादेसेणं सपदेस-अपदेस-पदं ५४. जीवे णं भंते ! कालादेसेणं किं सपदेसे ? अपदेसे ?
गोयमा ! नियमा सपदेसे ।। ५५. नेरइए णं भंते ! कालादेसेणं कि सपदेसे ? अपदेसे ?
गोयमा! सिय सपदेसे, सिय अपदेसे ।। ५६. एवं जाब सिद्धे ।। ५७. जीवा णं भंते ! कालादेसेणं कि सपदेसा? अपदेसा?
गोयमा! नियमा सपदेसा॥
१. सं० पा०–कयरेहितो जाव विसेसाहिया। २. भ० ६।३७-५१ । ३. प. ३ ।
४. भ०११५१ । ५. पू०प० २।
Jain Education International
For Private & Personal Use Only
www.jainelibrary.org
