________________
छुटुं सतं (तइओ उद्देसो)
२३६ इच्चेएणं दुविहेणं पयोगेणं कम्मोवचए पयोगसा, नो वीससा । से तेणद्वेणं' *गोयमा ! एवं वुच्चइ-जीवाणं कम्मोवचए पयोगसा, नो वीससा । 'एवं
जस्स जो पयोगो जाव वेमाणियाणं" ।। कम्मोवचयस्स सादि-अनादित्त-पदं २७. वत्थस्स णं भंते ! पोग्गलोवचए कि सादोए सपज्जवसिए ? सादीए अपज्जव
सिए ? अणादीए सपज्जवसिए ? अणादीए अपज्जवसिए ? गोयमा ! वत्थस्स णं पोग्गलोवचए सादीए सपज्जवसिए, नो सादीए अपज्जव
सिए, नो अणादीए सपज्जवसिए, नो अणादीए अपज्जवसिए ।। २८. जहा णं भंते ! वत्थस्स पोग्गलोवचए. सादीए सपज्जवसिए, नो सादीए
अपज्जवसिए, नो अणादीए सपज्जवसिए, नो अणादीए अपज्जवसिए, तहा णं जीवाणं कम्मोवचए पुच्छा। गोयमा ! अत्थेगतियाणं जीवाणं कम्मोवचए सादीए सपज्जवसिए, अत्थेगतियाणं अणादीए सपज्जवसिए, अत्थेगतियाणं अणादीए अपज्जवसिए, नो चेव
णं जीवाणं कम्मोवचए सादीए अपज्जवसिए॥ २६. से केणद्वेणं ? गोयमा ! इरियावहियबंधयस्स कम्मोवचए सादीए सपज्जवसिए,
भवसिद्धियस्स कम्मोवचए अणादीए सपज्जवसिए, अभवसिद्धियस्स कम्मो
वचए अणादीए अपज्जवसिए । से तेण?णं ।। जीवाणं सादि-अनादित्त-पदं ३०. वत्थे णं भंते ! कि सादीए सपज्जवसिए-चउभंगो ?
गोयमा ! वत्थे सादीए सपज्जवसिए, अवसेसा 'तिणि वि" पडिसेहेयव्वा ।। ३१. जहा णं भंते ! वत्थे सादीए सपज्जवसिए, नो सादीए अपज्जवसिए, नो
अणादीए सपज्जवसिए, नो अणादीए अपज्जवसिए, तहा णं जीवा किं सादीया सपज्जवसिया? चउभंगो-पुच्छा।
गोयमा ! अत्थेगतिया सादीया सपज्जवसिया-चत्तारि वि भाणियन्वा ।। ३२. से केणट्टेणं ? गोयमा ! नेरतिय-तिरिक्खजोणिय-मणुस्स-देवा गतिरागति
पडुच्च सादीया सपज्जवसिया, सिद्धा गति पडुच्च सादीया अपज्जवसिया, भवसिद्धिया लद्धि पडुच्च अणादीया सपज्जवसिया, अभवसिद्धिया संसारं पडुच्च प्रणादीया अपज्जवसिया। से तेण?णं ।।
१. सं० पा०-तेगदेणं जाव नो। २. एतद् द्विरुक्तमिव आभाति ।
३. रिया (अ, ता, ब, म)। ४. x (अ); तिण्णि (क, ता, ब, म) ।
Jain Education International
For Private & Personal Use Only
www.jainelibrary.org
