________________
२३४
भगवई
सुवामतराए चेव, सुपरिकम्मतराए चेव; जे वा से वन्ये कद्दम रागरते ? जे वा से वत्थे खंजणरागरते ? भगवं ! तत्थ णं जे से कद्दम रागरत्ते, से णं वत्थे दुद्धोयतराए चेव, दुवामतराए चेव, दुप्परिकम्मत राए चेव, एवामेव गोयमा ! नेरइयाणं पावाई कम्माइं गाढीकयाई, चिक्कणीकयाई', सिलिट्ठीकयाई, खिलीभूताई भवति । संपगाढं पिय णं ते वेदणं वेदेमाणा नो महानिज्जरा, नो महापज्जवसाणा भवंति । से जहा वा केइ पुरिसे अहिगणि पाउडेमाणे मया-मया सद्देणं, महया-महया घोसेणं, महया-महया परंपराघाएणं नो संचाएइ तीसे अहिगरणीए केइ अहावायरे पोग्गले परिसाडित्तए, एवामेव गोयमा ! नेरइयाणं पावाई कम्माई गाढीकयाई, चिक्कणीकयाई, सिलिट्ठीकयाई, खिलोभूताई भवति । संपगाढं पि य णं ते वेदणं वेदेमाणा नो महानिज्जरा, नो महापज्जवसाणा भवंति । भगवं ! तत्थ जे से खंजण रागरत्ते, से णं वत्ये सुद्धोयत राए चेव, सुवामतराए चेव, सुपरिकम्मतराए चेव, एवामेव गोयमा ! समणाणं निग्गंथाणं अहाबायराइं कम्माई सिढिलीकयाई, निद्वियाई कयाई, विप्परिणामियाई खिप्पामेव विद्धस्थाई भवंति। जावतियं तावतियं पिणं ते वेदणं वेदेमाणा महानिज्जरा, महापज्जवसाणा भवंति । से जहानामए केइ पुरिसे सुक्क तणहत्थयं जायतेयंसि पक्खिवेज्जा, से नणं गोयमा! से मुबके तणहत्थए जायतेयंसि पक्खित्ते समाणे खिप्पामेव मसमसाविज्जति ? हंता मसमसाविज्जति । एवामेव गोयमा ! समणाणं निग्गंथाणं अहाबायराइं कम्माइं", "सिढिलीकयाई, निद्रियाई कयाई, विप्परिणामियाइं खिप्पामेव विद्धत्थाई भवंति । जावतियं तावतियं पिणं ते वेदणं वेदेमाणा महानिज्जरा,° महापज्जवसाणा भवंति। से जहानामए केइ पुरिसे तत्तंसि अयकवल्लंसि उदबिंदु२ •पक्खिवेज्जा, से नणं गोयमा! से उदगबिंदु तत्तंसि अयकवल्लसि पक्खित्ते समाणे खिप्पामेव विद्धसमागच्छइ ? हंता विद्धंसमागच्छइ।
१. से वत्थे (क, ब, म)। २. भंते (ब, म)। ३. X (अ)। ४. सिढिलोकयाई (म, स)। ५. खिलीकयाई (अ, स)। ६. आकोडेमाणे (अ, क, ता, ब, म, स)।
७. सं० पा०--गाढीकयाइं जाव नो। ८. सागाई (अ, स)। ६. से वत्थे (अ, क, ता, ब, म, स)। १०. कडाइं (अ, क, ता, ब, म, स)। ११. सं० पा०---कम्माइं जाव महा° । १२. सं० पा०-उदगबिदूं जाव हता।
Jain Education International
For Private & Personal Use Only
www.jainelibrary.org
