Page Text
________________
तइये सतं (बीओ उद्देसी)
मंदगती भवति, देवे णं महिड्ढोए जाव महाणुभागे पुटिव पि पच्छा वि सोहे
सीहगती चेव तुरिए तुरियगती चेव ! से तेणटेणं जाव पभू मेण्हित्तए ।। ११६. जइ णं भंते ! देवे' महिड्ढीए जाव पभू तमेव अणुपरियट्टित्ता णं गेण्हित्तए,
कम्हा गं भंते ! 'सक्केणं देविदेणं देवरणा" चमरे असुरिंदे असुरराया नो संचाइए साहित्थं गेण्हित्तए ? गोयमा ! असुरकुमाराणं देवाणं अहे गइविसए 'सीहे-सीहे चेव तुरिए-तुरिए चेव, उड्ढे गइविसए अप्पे-अप्पे चेव मंद-मंदे चेव । वेमाणियाणं देवाणं उड्ढे गइविसए सीहे-सीहे चेव । तुरिए-तुरिए चेव, अहे गइविसए अप्पे-अप्पे चेव मंद-मंदे चेव। जावतियं खेत्तं सक्के देविंदे देवराया उड्ढं उप्पयइ एक्केणं समएणं, तं वज्जे दोहि, जं वज्जे दोहि, तं चमरे तिहिं । सव्वत्थोवे सक्कस्स देविंदस्स देवरण्णो उड्ढलोयकंडए, अहेलोयकंडए' संखेज्जगुणे । जावतियं खेत्तं चमरे असुरिंदे असुरराया अहे ओवयइ एक्केणं समएणं, तं सक्के दोहिं, जं सक्के दोहि, तं वज्जे तोहिं । सब्वत्थोवे चभरस्स असुरिंदस्स असुररणो अहेलोयकंडए, उड्ढलोयकंडए संखेज्जगुणे । एवं खलु गोयमा ! सक्केणं देविदेणं देवरण्णा चमरे असुरिंदे असुरराया नो
संचाइए साहत्थि गेण्हित्तए । १२०. सक्कस्स णं भंते ! देविंदस्स देवरण्णो उड्ढं अहे तिरियं च गइविसयस्स कयरे
कयरेहितो अप्पे वा ? बहुए वा ? तुल्ले वा? विसेसाहिए वा? गोयमा ! सम्वत्थोवं खेत्तं सक्के देविदे देवराया अहे प्रोवयइ एक्केणं समएणं
तिरियं संखेज्जे भागे गच्छइ, उड्ढे संखेज्जे भागे गच्छइ ।।। १२१. चमरस्स णं भंते ! असुरिंदस्स असुररण्णो उड्ढं अहे तिरियं च गइविसयस्स
कयरे कयरहितो अप्पे वा? बहुए वा ? तुल्ले वा ? विसेसाहिए वा? गोयमा ! सव्वत्थोवं खेतं चमरे असुरिंदे असुरराया उड्ढं उप्पयइ एक्केणं समएणं, तिरियं संखेज्जे भागे गच्छइ, अहे संखेज्जे भागे गच्छइ ।। "वज्जस्स गं भंते ! उड्ढे अहे तिरियं च गइविसयस्स कयरे कयरेहितो अप्पे वा? वहए वा ? तुल्ले वा ? विसेसाहिए वा ? गोयमा ! सव्वत्थोवं खेत्तं वज्जे अहे प्रोवयइ एक्केणं समएणं, तिरियं विसेसाहिए भागे गच्छइ, उड्ढं विसेसाहिए भागे गच्छइ°॥
१२२.
१. देविदे (अ, ता, व, स)। २. भ० ३।११। ३. सक्के देविदे देवराया (स)। ४. संचाइति (अ); संचाएति (स) ।
५. सिग्वे-सिग्ये (अ, स)। ६. अहो. (अ, ब)। ७. सं० पा०--वज्जं जहा सक्कस्स तहेव नवरं
विसेसाहियं कायव्वं ।
Jain Education International
For Private & Personal Use Only
www.jainelibrary.org
| SR No. | 003561 |
| Book Title | Agam 05 Ang 05 Bhagvati Vyakhya Prajnapti Sutra Bhagvai Terapanth |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |