________________
१४२
भगवई बीओ उद्देसो ७७. तेणं कालेणं तेणं समएणं रायगिहे नाम नगरे होत्था जाव' परिसा पज्जुवासइ ।। ७८. तेणं कालेणं तेणं समएणं चमरे असुरिंदे असुरराया चमरचंचाए रायहाणीए,
सभाए सुहम्माए, चमरंसि सीहासणंसि, चउसट्ठीए सामाणियसाहसहि जाव'
नट्टविहिं उवदंसेत्ता जामेव दिसि पाउडभए तामेव दिसि पडिगए । ७९. भंतेति ! भगवं गोयमे समणं भगवं महावीरं वंदइ नमसइ, वंदित्ता नमंसित्ता
एवं वयासी-अत्थि णं भंते ! इमीसे रयणप्पभाए पुढवीए अहे असुरकुमारा देवा परिवसंति?
गोयमा ! णो इणद्वे समटे । ८०. एवं जाव' अहेसत्तमाए पुढवीए, सोहम्मस्स कप्पस्स अहे जाव' अत्थि णं भंते !
ईसिप्पन्भाराए पुढवीए अहे असुरकुमारा देवा परिवसंति ?
णो इणढे समढे॥ ८१. से कहि खाइ णं भंते ! असुरकुमारा देवा परिवसंति ?
गोयमा ! इमोसे रयणप्पभाए पुढवीए असीतुत्तरजोयणसयसहस्सबाहल्लाए एवं
असुरकुमारदेववत्तन्वया जाव' दिन्वाइं भोगभोगाई भुंजमाणा विहरति । ८२. अस्थि णं भंते ! असुरकुमाराणं देवाणं अहे गतिविसए ?
हंता अस्थि ।। ८३. केवतियण्ण भंते ! असुरकुमाराणं देवाणं अहे गतिविसए पण्णत्ते ?
गोयमा? जाव अहेसत्तमाए पुढवोए । तच्चं पुण पुढवि गया य गमिस्संति य ॥ ८४. किंपत्तियण्णं भंते ! असुरकुमारा देवा तच्चं पुढवि गया य गमिस्संति य ?
गोयमा ! पुववेरियस्स वा वेदणउदीरणयाए, पुव्वसंगतियस्स वा वेदणउवसाम
णयाए---एवं खलु असूरकुमारा देवा तच्चं पुढवि गया य गमिस्संति य ।। ८५. अत्थि णं भंते ? असुरकुमाराणं देवाणं तिरियं गतिविसए पण्णत्ते ?
हता अत्थि॥ ८६. केवतियण्णं भंते ! असुरकुमाराणं देवाणं तिरियं गतिविसए पण्णत्ते ?
गोयमा ! जाव असंखेज्जा दीव-समुद्दा, नंदिस्सरवरं पुण दीवं गया य गमिस्संति य ।। ८७. किंपत्तियण्णं भंते ! असुरकुमारा देवा नंदिस्सरवरं दीवं गया य गमिस्संति य ?
१. ओ० सू० १६-५२ । २. राय० सू० ७-१२० । ३. दिसं (ता, ब, म, स)। ४. अ० सू० २८७ ५. अ० सू० २८७।
६. असीउत्तर (अ, ब, म, स)। ७. १०२। ८. केवतियं णं (स)। ९. किंपत्तिय सं (अ, ता, ब, म)।
Jain Education International
For Private & Personal Use Only
www.jainelibrary.org
