________________
भगवई
दिव्वा देविड्ढी दिव्वा देवज्जुई दिव्वे देवाणुभावे लद्धे पत्ते अभिसमण्णागए। जारिसिया' णं देवाणुप्पिएहि दिव्वा देविड्ढी दिव्वा देवज्जुई दिवे देवाणुभावे लद्धे पत्ते अभिसमण्णागए, तारिसिया णं सक्केण वि देविदेण देवरण्णा दिव्वा देविड्ढी जाव अभिसमण्णागए । जारिसिया णं सक्केणं देविदेणं देवरण्णा दिव्वा देविड्ढी जाव अभिसमण्णागए ! जारिसिया णं देवाणुप्पिएहि दिव्वा देविडढी जाव अभिसमण्णागए। से णं भंते । तीसए देवे केमहिड्ढोए जाव केवतियं च णं पभू विकुन्वित्तए ? गोयमा ! महिड्ढीए जाव' महाणुभागे। से णं तत्थ सयस्स विमाणस्स, चउण्हं सामाणियसाहस्सोणं, चउण्हं अग्गमहिसीणं सपरिवाराणं, तिण्हं परिसाण, सत्तण्ह अणियाण, सत्तण्ह प्रोणयाहिबईण, सोलसण्हं नायरक्खदेवसाहस्सीण. अण्णसिं च बहणं वेमाणियाण देवाणं, देवीण य जाव विहरह। एमहिड्ढीए जाव एवतियं च णं पभू विकुवित्तए। से जहानामए जुवती जुवाणे हत्थेणं हत्थे गेण्हेज्जा, जहेव सक्कस्स तहेव जाव' एस णं गोयमा ! तीसयस्स देवस्स अयमेयारूवे विसए विसयमेत्ते बुइए, णो चेव णं संपत्तीए
विकुटिवसु वा विकुव्वति वा विकुव्विस्सति वा ।। १८. जइ णं भंते ! तीसए देवे महिड्ढोए जाव' एवइयं च णं पभू विकुवित्तए,
सक्कस्स गं भंते ! देविंदस्स देवरण्णो अवसेसा सामाणिया देवा केमहिड्ढीया ? तहेव सव्वं जाव' एस ण गोयमा ! सक्कस्स देविंदस्स देवरण्णो एगमेगस्स सामाणियस्स' देवस्स इमेयारूवे विसए विसयमेत्ते बुइए, नो चेव णं संपत्तीए विकुविसु वा विकुव्वति वा विकुव्विस्सति वा। तावत्तीसय-लोगपालग्गमहिसी णं जहेव चमरस्स, नवरं-दो केवलकप्पे
जंबुद्दीवे दीवे, अण्णं तं चेव ।। १६. सेवं भंते ! सेवं भंते ! त्ति दोच्चे गोयमे जाव विहरइ ।। २०. भंतेति ! भगवं तच्चे गोयमे वायुभूई अणगारे समणं भगवं महावीरं वंदइ
नमसइ, वंदित्ता नमंसित्ता एवं वदासी-जइ णं भंते ! सक्के देविदे देवराया
१. जारिसाणं (अ, ब)। २. भ० ३.४॥ ३. भ० ३।४। ४. भ० ३४। ५. भ० ३॥१६॥ ६. भ० ३।४।
७. भ० ३।१७। ८. सामाणिय (अ)। ६. भ० ३१६, ७! १०. भ० ११५१ । ११. सं० पा०-भगवं जाव एवं ।
Jain Education International
For Private & Personal Use Only
www.jainelibrary.org
