________________
चत्तालीसतिमं सत
पढमं सण्णिचिदियमहाजुम्मसतं महाजुम्म-सण्णिचिदियाणं उववायादि-पदं १. कडजुम्मकडजुम्मसण्णिपंचिदिया णं भंते ! को उववज्जति ०? उववानो चउसु
वि गईसु । संखेज्जवासाउय-असंखेज्जवासाउय-पज्जत्ता-अपज्जत्तएसु य न को वि पडिसेहो जाव अणुत्तरविमाणत्ति । परिमाणं अवहारो प्रोगाहणा य जहा असणिपंचिदियाण । वेणिज्जवज्जाणं सत्तण्हं पगडीणं वंधगा वा प्रबंधगा वा, वेयणिज्जस्स बंधगा, नो अबंधगा। मोहणिज्जस्स वेदगा वा अवेदगा वा, सेसाणं सत्तण्ह वि वेदगा, नो अवेदगा। सायावेदगा वा असायावेदगा वा । मोहणिज्जस्स उदई वा अणुदई वा, सेसाणं सत्तण्ह वि उदई, नो अणुदई । नामस्स गोयरस य उदीरगा, नो अणुदोरगा, सेसाणं छह वि उदीरगा वा अणुदीरगा वा । कण्हलेस्सा वा जाव सुक्कलेस्सा वा। सम्मदिट्ठी वा मिच्छादिट्ठी वा सम्मामिच्छादिट्ठी वा । नाणी वा अण्णाणी वा । मणजोगी वइजोगी कायजोगी। उवनोगो, वण्णमादी, उस्सासगा वा नीसासगा वा, पाहारगा य जहा एगिदियाणं । विरया य अविरया य विरयाविरया य । सकिरिया, नो अकिरिया ।। ते णं भंते ! जीवा कि सत्तविहवंधगा? अट्ठविहवंधगा? छब्बिबंधगा ? एगविहबंधगा वा ? गोयमा ! सत्तविहबंधगा वा जाव एगविहवंधगा वा ।। ते णं भंते ! जीवा कि आहारसण्णोवउत्ता जाव परिग्गहसण्णोव उत्ता? नोसण्णोवउत्ता? गोयमा ! आहारसण्णोवउत्ता जाव नोसण्णोव उत्ता वा । सव्वत्थ पुच्छा भाणियव्या- कोहकसायी वा जाव लोभकसायी वा, अकसायी वा । इत्थीवेदगा वा पुरिसवेदगा वा नपुंसगवेदगा वा अवेदगा वा। इत्थिवेदबंधगा वा पुरिसवेदबंधगा वा नपुंसगवेदबंधगा वा अबंधगा वा । सण्णी, नो असण्णी। सइंदिया,
३ .
Jain Education International
For Private & Personal Use Only
www.jainelibrary.org
