________________
१०२६
भगवई
१०.
७. ते णं भंते ! जीवा नाणावरणिज्जस्स-पुच्छा।
गोयमा ! वेदगा, नो अवेदगा । एवं सव्वेसि ।। ते णं भंते ! जीवा किं सातावेदगा ? असातावेदगा ? गोयमा ! सातावेदगा वा असातावेदगा वा । एवं उप्पलुद्देसगपरिवाडी' ! सव्वेसि कम्माणं उदई, नो अणुदई । छण्हं कम्माणं उदीरगा, नो अणुदीरगा।
वेदणिज्जाउयाणं उदीरगा वा अणुदीरगा वा ॥ ९. ते णं भंते ! जीवा किं कण्हलेस्सा-पुच्छा।
गोयमा ! कण्हलेस्सा वा, नीललेस्सा वा, काउलेस्सा वा, तेउलेस्सा वा । नो सम्मदिट्ठी, नो सम्मामिच्छादिट्ठी, मिच्छादिट्ठी । नो नाणी, अण्णाणी-नियम' दुअण्णाणी, तं जहा - मइअण्णाणी य सुयअण्णाणी य । नो मणजोगी, नो वइजोगी, कायजोगी। सागारोवउत्ता वा, अणागारोव उत्ता वा ।। तेसि णं भंते जीवाणं सरीरगा कतिवण्णा? जहा उप्पलुद्देसए सब्वत्थ--पुच्छा। गोयमा ! जहा उप्पलुद्देसए ऊसासगा वा, नीसासगा वा, नो उस्सासनीसासगा वा । पाहारगा वा प्रणाहारगा वा । नो विरया, अविरया, नो विरयाविरया। सकिरिया, नो अकिरिया। सत्तविहबंधगा वा अद्रविहबंधगा वा । आहारसण्णोवउत्ता वा जाव परिग्गहसण्णोवउत्ता वा । कोहकसायी वा जाव लोभकसायी वा। नो इत्थिवेदगा, नो पुरिसवेदगा, नपुंसगवेदगा। इत्थि वेदबंधगा वा पुरिसवेदबंधगा वा नपुंसगवेदबंधगा वा। नो सण्णी, असण्णी। सइंदिया, नो
अणिदिया ।। ११. ते णं भंते ! कडजुम्मकडजुम्मएगिदिया कालयो केवच्चिरं होंति ?
गोयमा! जहण्णेणं एक्कं समयं, उक्कोसेणं अणंतं काल-अणता प्रोसप्पिणिउस्सप्पिणीयो, वणस्सइकाइयकालो । संवेहो न भण्णइ, आहारो जहा' उप्पलुदेसए नवरं-निव्वाघाएणं छद्दिसि, वाधायं पडुच्च सिय तिदिसि, सिय चउदिसि, सिय पंचदिसि, सेसं तहेव । ठिती जहण्णणं अंतोमुत्तं, उक्कोसेणं बावीसं वाससहस्साई। समुग्घाया आदिल्ला चत्तारि । मारणंतियसमुग्धातेणं समोहया
वि मरंति, असमोहया वि मरंति ! उव्वट्टणा जहा उप्पलुद्देसए ! १२. अह भंते ! सव्वपाणा जाव सव्वसत्ता कडजुम्मकडजुम्मएगिदियत्ताए उववन्न
पुवा?
हंता गोयमा ! असई अदुवा अणंतखुत्तो।
१. पुच्छा (अ, क, ख, ता, ब, म)। २. भ० ११॥६-११। ३. नियमा (अ, ब)। ४. सरीरा (ख, स)।
५, भ० ११११७-२८ । ६. केवचिरं (अ, क, ख, ब, म)! ७. भ० १११३५ । ८. भ०१११३६।
Jain Education International
For Private & Personal Use Only
www.jainelibrary.org
