________________
१०२०
भगवई
दीवेसु समुद्देसु, एत्थ णं अणंत रोववन्नगाणं बादरपुढविकाइयाणं ठाणा पण्णत्ता, उववाएण सव्वलोए, समुरघाएण सव्वलोए, सट्ठाणेणं लोगस्स असंखेज्जइभागे। अणंतोववन्नमसुहुमपुढविक्काइया एगविहा अविसेसमणाणत्ता सव्वलोए परियावन्ना पण्णत्ता समणाउसो ! एवं एएणं कमेणं सव्वे एगिदिया भाणियव्वा, सट्ठाणाई सब्वेसि जहा ठाणपदे । तेसिं पज्जत्तगाणं बादराणं उववाय-समुग्घायसटाणाणि जहा तेसिं चेव अपज्जत्तगाणं वादराणं । सुइमाणं सव्वेसि जहा
पुढविकाइयाणं भणिया तहेव भाणियवा जाव वणस्सइकाइयत्ति ! ४४. अणंतरोववन्नगाणं सुहुमपुढविक्काइयाणं भंते ! कइ कम्मप्पगडीयो
पण्णत्तायो ? गोयमा ! अट्ठ कम्मप्पगडोरो पण्णत्ताओ। एवं जहा एगिदियसएसु अणंतरोववन्नग उद्देसए तहेव पण्णत्ताओ, तहेब बंधंति, तहेव वेदेति जाव' अणंतरो
ववन्नगा वादरवणस्सइकाइया ।। ४५. अणंत रोववन्नगएगिदिया णं भंते ! कसो उववज्जति ? जहेव ओहिए
उद्देससो भणियो तहेव ।। ४६. अणंत रोववन्तगागिदियाणं भंते ! कति समग्घाया पण्णता ?
गोयमा ! दोन्नि समूग्घाया पण्णत्ता तं जहा—वेदणासमुग्धाए य कसायसम्
घाए य ।। ४७. अणंतरोववन्नगएगिदिया णं भंते ! कि तुल्लट्ठितीया तुल्लविसेसाहियं कम्म
पकरेंति पुच्छा तहेव ।। गोयमा ! अत्थेगइया तुल्लट्ठितीया तुल्लविसेसाहियं कम्मं पकरेंति, अत्थेगइया
तुल्ल द्वितीया वेमायविसेसाहियं कम्म पकरेति । ४८. से केणद्वेणं जाव वेमायविसेसाहियं कम्म पकरेंति ?
गोयमा ! अणंतरोववन्नगा एगिदिया दुविहा पण्णत्ता, तं जहा-- अत्थेगइया समाउया समोववन्नगा, अत्थेगइया समाउया विसमोववन्नगा । तत्थ णं जे ते समाउया समोववन्नगा ते णं तुल्लट्ठितीया तुल्लविसेसायिं कम्मं पकरेंति । तत्थ णं जे ते समाउया विसमोववन्नगा ते गं तुल्ल द्वितीया वेमायविसेसाहियं
कम्म पकरेंति । से तेण?णं जाव वेमायविसेसाहियं कम्म पकति ।। ४६. सेवं भंते ! सेवं भंते ! ति॥
१. भ० ३३।१७-२० ।
२. दो (ब, म)।
Jain Education International
For Private & Personal Use Only
www.jainelibrary.org
