________________
इक्कतीसइमं सतं
पढमो उद्देसो खुड्डजुम्म-नेरइयादीणं उववाय-पदं १. रायगिहे जाव एवं वयासी-कति णं भंते ! खुड्डा जुम्मा पण्णत्ता ?
गोयमा ! चत्तारि खुड्डा जुम्मा पण्णत्ता, तं जहा -कडजुम्मे, तेयोए, दावर
जुम्मे , कलियोगे ।। २. से केणद्वेणं भंते ! एवं वुच्चइ--चत्तारि खुड्डा जुम्मा पण्णत्ता, तं जहा---
कडजुम्मे जाव कलियोगे ? गोयमा ! जे णं रासी चउक्कएणं अवहारेणं अवहीरमाणे चउपज्जवसिए सेत्तं खुड्डागकडजुम्मे । जे गं रासी चउक्कएणं अवहारेणं अवहीरमाणे तिपज्जवसिए सेत्तं खुड्डागते योगे । जे णं रासी चउक्कएणं अवहारेणं अवहीरमाणे दुपज्जवसिए सेत्तं खुड्डागदावरजुम्मे । जे णं रासी चउक्कएणं अवहारेणं अवहीरमाणे
एगपज्जवसिए सेत्तं खुड्डागकलियोगे से तेणटेणं जाव कलियोगे॥ ३. खुड्डागकडजुम्मने रइया णं भंते ! को उववज्जति–कि नेरइएहितो
उववज्जति ? तिरिक्खजोणिएहितो—पुच्छा। गोयमा! नो नेरइएहितो उववज्जति । एवं ने रइयाणं उववानो जहां वक्कंतीए
तहा भाणियव्वो॥ ४. ते णं भंते ! जीवा एगसमएणं केवइया उववज्जति ?
गोयमा ! चत्तारि वा अट्ट वा वारस वा सोलस वा संखेज्जा वा असंखेज्जा वा
उववज्जंति ।। ५. ते णं भंते ! जीवा कहं उववज्जति ?
गोयमा ! से जहानामए पवए पवमाणे अज्झवसाणनिव्वत्तिएणं करणोवाएणं,
१. वातर° (क); वादर ° (ता); वायर°
२. प० ६ ।
११८
Jain Education International
For Private & Personal Use Only
www.jainelibrary.org
