________________
भगवई
६२१. तेसि णं भंते ! जीवाणं कहं सीहा गती, कहं सीहे गतिविसए पण्णत्ते ?
गोयमा ! से जहानामए केइ पुरिसे तरुणे बलवं एवं जहा चोदसमसए पढमु. देसए जाव' तिसमएण वा विग्गहेणं उववज्जति । तेसि णं जीवाणं तहा सीहा
गई, तहा सोहे गतिविसए पण्णत्ते ॥ ६२२. ते णं भंते ! जीवा कहं परभवियाउयं पकरेंति ?
गोयमा ! अज्झवसाणजोगनिव्वत्तिएणं करणोवाएणं, एवं खलु ते जीवा
परभवियाउयं पकरेंति ।।। ६२३. तेसि णं भंते ! जीवाणं कहं गती पवत्तइ ?
गोषमा ! आउक्खएणं, भवक्खएणं, ठिइक्खएणं, एवं खलु तेसि जीवाणं गती
पवत्तति ।। ६२४. ते णं भंते ! जीवा कि प्राइड्ढीए उववज्जति ? परिड्ढीए उववज्जति ?
गोयमा ! पाइड्ढीए उववज्जंति, नो परिडीए उववज्जति ।। ६२५. ते णं भंते ! जीवा कि आयकम्मुणा उववज्जति ? परकम्मुणा उववज्जति ?
गोयमा ! आयकम्मुणा उववज्जति, नो परकम्मुणा उववज्जति ॥ ६२६. ते णं भंते ! जीवा कि आयप्पयोगेणं उववज्जति ? परप्पयोगेणं उववज्जति ?
गोयमा ! प्रायप्पयोगेणं उववज्जति, नो परप्पयोगणं उववज्जति ॥ ६२७. असुरकुमारा णं भंते ! कहं उववज्जति ? जहा ने रइया तहेव निरवसेसं जाव
नो परप्पयोगेणं उववज्जति ! एवं एगिदिय वज्जा जाव वेमाणिया । एगिदिया
एवं चेव, नवरं-चउसमइओ विगहो । सेसं तं चेव ।। ६२८. सेवं भंते ! सेवं भंते ! ति जाव विहरइ !!
६-१२ उद्देसा ६२६. भवसिद्धियने रइया णं भंते ! कहं उववज्जति ?
गोयमा ! से जहानामए पवए पवमाणे, अवसेसं तं चेव जाव वेमाणिए । ६३०. सेवं भंते ! सेवं भंते ! ति ।। ६३१. अभवसिद्धियने रइया णं भंते ! कहं उववज्जति ?
गोयमा ! से जहानामए पवए पवमाणे, अवसेसं तं चेव । एवं जाव वेमाणिए। ६३२. सेवं भंते ! सेवं भंते ! ति ।।
१. भ० १४१३
२. आयड्ढीए (ता)।
Jain Education International
For Private & Personal Use Only
www.jainelibrary.org
