________________
६४०
भगवई ३७६. जइ सलेस्से होज्जा, से णं भंते ! कतिसु लेस्सासु होज्जा ?
गोयमा ! छसु लेस्सासु होज्जा, तं जहा –कण्हलेस्साए जाव सुक्कलेस्साए । ३७७. नियंठे णं भंते ! -पुच्छा।
गोयमा ! सलेस्से होज्जा, नो अलेस्ने होज्जा ।। ३७८. जइ सलेस्से होज्जा, से णं भंते ! कतिसु लेस्सासु होज्जा ?
गोयमा ! एक्काए सुक्कलेस्साए होज्जा ॥ ३७६. सिणाए--पुच्छा।
गोयमा ! सलेस्से वा होज्जा, अलेस्से वा होज्जा ।। ३८०. जइ सलेस्से होज्जा, से णं भंते ! कतिसु लेस्सासु होज्जा ?
गोयमा ! एगाए परमसुक्कलेस्साए होज्जा ।। परिणाम-पदं ३८१. पुलाए णं भंते ! किं वड्ढमाणपरिणामे होज्जा ? हायमाणपरिणामे होज्जा?
अवट्टियपरिणामे होज्जा ? गोयमा ! वड्ढमाणपरिणामे वा होज्जा, हायमाणपरिणामे वा होज्जा,
अवट्टियपरिणामे वा होज्जा । एवं जाव कसायकुसीले १ ३८२. नियंठे णं-पुच्छा।
गोयमा ! वड्ढमाणपरिणामे होज्जा, नो हायमाणपरिणामे होज्जा, अवविय
परिणामे वा होज्जा । एवं सिणाए वि ।। ३८३. पुलाए णं भंते ! केवतियं कालं वड्ढमाणपरिणामे होज्जा ?
गोयमा ! जहाणेणं एक्कं समयं, उक्कोसेणं अंतोमुहुत्तं ।। ३८४. केवतिथं कालं हायमाणपरिणामे होज्जा!
गोयमा ! जहणणं एक्कं समयं, उक्कोसेणं अंतोमुहत्तं ।। ३८५. केवतियं कालं अवट्टियपरिणामे होज्जा ?
गोयमा! जहणणं एक्कं समयं, उक्कोसेणं सत्त समया। एवं जाव
कसायकुसीले ।। ३८६. नियंठे णं भंते ! केवतियं कालं वड्ढमाणपरिणामे होज्जा ?
गोयमा ! जहण्णेगं अंतोमुत्तं, उक्कोसेण वि अंतोमुहुत्तं ।। ३८७. केवतियं कालं अवट्टियपरिणाम होज्जा?
गोयमा ! जहण्णेणं एक्कं समयं, उक्कोसेणं अंतोमुहुत्तं ।। ३८८. सिणाए णं भंते ! केवतियं कालं वड्ढमाणपरिणामे होज्जा ?
गोयमा ! 'जहण्णेण वि" अंतोमुहुत्तं, उक्कोसेण वि अंतोमुहुत्तं ।।
१. हीपमाण ° (म, स)।
२. जहणण्णं (अ. क. ख. ब, म, स)।
Jain Education International
For Private & Personal Use Only
www.jainelibrary.org
