________________
पंचवीसइमं सतं (छट्ठो उद्देसो)
६४३ भावं पडुच्च नो दुस्समदुस्समाकाले होज्जा, नो दुस्समाकाले होज्जा । एवं संतिभावेण वि जहा पुलाए जाव नो सुसमसुसमाकाले होज्जा । साहरणं पडुच्च
अण्णयरे समाकाले होज्जा। ३३५. जइ नोयोसप्पिणि-नोउस्सप्पिणिकाले होज्जा-पूच्छा।
गोयमा ! जम्मण-संतिभावं पडुच्च नो सुसमसुसमापलिभागे होज्जा जहेव पुलाए जाव दुस्समसुसमापलि भागे होज्जा । साहरणं पडुच्च अण्णयरे पलिभागे होज्जा। जहा वउसे । एवं पडिवणाकुसीले वि। एवं कसायकुसीले वि । नियंठो सिणाओ य जहा पुलाओ, नवरं- एतेसिं अब्भहियं साहरणं भाणियव्वं ।
सेसं तं चेव ।। गति-पदं ३३६. पुलाए णं भंते ! कालगए समाणे कं गतिं गच्छति ?
गोयमा ! देवगति गच्छति ॥ ३३७. देवगति गच्छमाणे कि भवणवासीसु उववज्नेज्जा? वाणमंतरेसु उववज्जेज्जा?
जोइसिएस उववज्जेज्जा ? वेमाणिएम उववज्जेज्जा ? गोयमा ! नो भवणवासोसु, नो वाणमंतरे, नो जोइसिएसु, वेमाणिएसु उववज्जेज्जा । वेमाणिएसु उववज्जमाणे जहणणं सोहम्मे कप्पे, उक्कोसेणं सहस्सारे कप्पे उववज्जेज्जा । वउसे णं एवं चेव, नवरं-उक्कोसेणं अच्चुए कप्पे । पडिसेवणाकुसीले जहा बउसे । कसायकुसीले जहा पुलाए, नवरं । उक्कोसेणं ग्रणुत्तरविमाणेसु उववज्जेज्जा । नियंठे णं एवं चेव जाव वेमाणिएसु उववज्जमाणे अजहण्णमणुक्कोसेणं अणुत्तरविमाणेसु उववज्जेज्जा ।। सिणाए णं भंते ! कालगए समाणे कं गति गच्छइ ? गोयमा ! सिद्धिगति गच्छद। पुलाए णं भंते ! देवेसु उववज्जमाणे किं इंदत्ताए उववज्जेज्जा ? सामाणियताए उववज्जेज्जा ? तावनीसाए' उववज्जेज्जा? लोगशालताए उववज्जेज्जा? अहमिदत्ताए उववज्जेज्जा? गोयमा ! अविराहणं पडुच्च इंदत्ताए उववज्जेज्जा, सामाणियत्ताए उववाज्जेज्जा, तावत्तीसाए उववज्जेज्जा, लोगपालत्ताए उववज्जेज्जा, नो अहमिदताए उववज्जेज्जा। विराहणं पडुच्च अण्णयरेसु उववज्जेज्जा। एवं बउसे
वि । एवं पडिसेवणाकुसोले वि।। ३४०. कसायकुसील-पुच्छा ।
१. किं (अ, स)। २. तावत्तीसगताए (ता) ।
३. अहमिदत्ताए वा (स)। ४. भवनपत्यादीनामन्यतरेषु देवेषु (वृ)।
Jain Education International
For Private & Personal Use Only
www.jainelibrary.org
