Page Text
________________
१२
पण्णवणासुत्तं खट्टोदए अंबिलोदए लवणोदए वारुणोदए खीरोदए घओदए' खोतोदए' रसोदए। जे यावण्णे तहप्पगारा ते समासतो दुविहा पण्णता, तं जहा-पज्जत्तगा य अपज्जत्तगा य। तत्थ णं जेते अपज्जत्तगा ते णं असंपत्ता। तत्थ णं जेते पज्जत्तगा एतेसिणं वण्णादेसेणं गंधादेसेणं रसादेसेणं फासादेसेणं सहस्सग्गसो विहाणाई, संखेज्जाई जोणिप्पमुहसयसहस्साई । पज्जतगणिस्साए अपज्जत्तगा वक्कमंति-जत्थ एगो तत्थ णियमा असंखेज्जा। से तं बादरआउक्काइया। से तं आउक्काइया ।। तेउक्काय-पदं
२४. से कि तं तेउक्काइया ? तेउक्काइया दुविहा पण्णत्ता, तं जहा-सुहुमतेउक्काइया य बादरतेउक्काइया य ।।
२५. से किं तं सुहुमते उक्काइया ? सुहुमतेउक्काइया दुविहा पण्णत्ता, तं जहापज्जत्तगा य अपज्जत्तगा य । से तं सुहमतेउक्काइया ।।
२६. से किं तं बादरतेउक्काइया ? बादरतेउक्काइया अणेगविहा पण्णत्ता, तं जहाइंगाले जाला मुम्मुरे अच्ची अलाए सुद्धागणी उक्का विज्जू असणी णिग्याए संघरिससमुट्ठिए सूरकंतमणिणिस्सिए। जे यावण्णे तहप्पगारा ते समासतो दुविहा पण्णत्ता, तं जहापज्जत्तगाय अपज्जत्तगा य। तत्थ ण जेते अपज्जत्तगा ते णं असंपत्ता। तत्थ णं जेते पज्जत्तगा एएसि णं वण्णादेसेणं गंधादेसेणं रसादेसेणं फासादेसेणं सहस्सग्गसो विहाणाई,
खेज्जाइं जोणिप्पमुहसयसहस्साई । पज्जत्तगणिस्साए अपज्जत्तगा वक्कमंति-जत्थ एगो तत्थ णियमा असंखेज्जा । से तं बादरतेउक्काइया । से तं तेउक्काइया ॥ वाउकाय-पदं
२७. से किं तं वाउक्काइया ? वाउक्काइया दुविहा पण्णत्ता, तं जहा-सुहमवाउक्काइया य बादरवाउक्काइया य॥
२८. से किं तं सुहुमवाउक्काइया ? सुहुमवाउक्काइया दुविहा पण्णत्ता, तं जहा ---- पज्जत्तगसुहुमवाउक्काइया य अपज्जत्तगसुहमवाउक्काइया य। से तं सुहमवाउक्काइया ।
२१.से कि तं वादरवाउकाइया? वादरवाउक्काइया अणेगविहा पण्णत्ता. तं जहा --पाईणवाए पडीणवाए दाहिणवाए उदीणवाए उड्ढवाए अहोवाए तिरियवाए विदिसीवाए वाउब्भामे वाउक्कलिया वायमंडलिया उक्कलियावाए मंडलियावाए गंजावाए झंझावाए संवगवाए घणवाए तणवाए सद्धवाए । जे यावण्णे तहप्पगारा ते समासतो दुविहा पण्णत्ता, तं जहा-पज्जत्तगा य अपज्जत्तगा य। तत्थ णं जेते अपज्जत्तगा ते णं असंपत्ता। तत्थ णं जेते पज्जत्तगा एतेसि णं वण्णादेसेणं गंधादेसेणं रसादेसेणं फासादेसेणं
१. एतत् पदं वृत्त्योर्नास्ति व्याख्यातम् । २. खातोदए (ख); भगवतीवृत्ती खाओदयाण'
इति पाठो व्याख्यातोस्ति, यथा---'खाओदयाण ति खातायां-भूमौ यान्युदकानि तानि खातो- दकानि । (भ० वृ० पत्र ६६४)। भगवत्या- दर्शष्वपि एष एव पाठो दृश्यते, अत एष एव
स्वीकृतोस्ति, (अंगसुत्ताणि भाग २, पृष्ठ ७०६)। प्रस्तुतसूत्रस्य वृत्तौ-क्षोदोदकं इक्षुसमुद्र' इति व्याख्यातमस्ति । ३. विदिसिवाए (ख) । ४. वाउमंडलिया (क)। ५. संवट्टवाए (क)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |